Psom 27:6 - Kreol Morisyen OT Portions

⁶ Lerla mo pou gagn laviktwar lor mo ennmi; dan lazwa san limit mo pou ofer sakrifis dan so Tanp e mo pou sant louanz e zoue lamizik pou LESEGNER.

Nouvo Testaman Kreol Morisien Harmonisation NTPS KM

⁶ Lerla mo pou gagn laviktwar lor mo lennmi; dan lazwa san limit mo pou ofer sakrifis dan so Tanp e mo pou sant louanz e zwe lamizik pou LESEGNER.

Psom 27:6 Referans Kwoze

Psom 3:3

Me twa, SEGNER, to touzour boukliye ki protez mwa; to sov mo loner, to relev mo latet.

Psom 107:22

Zot bizin ofer sakrifis remersiman; ar sante lazwa dir lemond antie grander Bondie.

Izai 12:6

Kriye! Kriy to lazwa, twa ki res lor montagn Sion. Parski Bondie Izrael li gran, e li viv la, akote twa.

Psom 95:1

Vini tou dimoun, anou sant louanz LESEGNER; Anou kriye for nou lazwa dan Bondie ki nou Sover.

Psom 138:5

Zot tou pou sant to bann explwa parski to laglwar li bien-bien gran.

Psom 110:7

Nou lerwa pou bwar dilo ki sorti dan lasours; li pou vinn for e li pou relev so latet.

Psom 81:1

Anou sant nou lazwa pou Bondie, nou lafors; avek lazwa anou loue Bondie ki Zakob ti adore.

Psom 47:1

Tou dimoun lemond antie tap lame for-for! For-for anou sant louanz Bondie avek lazwa!

Psom 21:13

Lev twa SEGNER, montre to pwisans! Nou, nou pou sante ek nou pou loue to pouvwar.

Psom 21:1

SEGNER, lerwa dan lazwa parski to finn donn li lafors; li pe selebre parski to finn donn li laviktwar.

Zenez 40:13

Dan trwa zour Faraon pou relev to latet. Li pou redonn twa to travay. Lerla, to pou kapav servi li so divin, parey kouma to ti pe fer avan.

Zenez 40:20

Trwa zour plitar, Faraon fet so laniverser. Li organiz enn gran repa pou tou so bann ofisie. Dan zot prezans, li fer amenn so de serviter e li donn sakenn enn pozision diferan.

Psom 3:4

Mo kriye osekour for for mem ver LESEGNER e li reponn mwa depi so montagn sakre.

Psom 57:8

Leve, revey twa, mo leker! Leve sitar ek lagitar! Mo sante pou fer soley leve.

Psom 119:108

Aksepte mo lapriyer aksiondegras, SEGNER, e ansegn mwa to bann leson.