Psom 25:9 - Kreol Morisyen OT Portions

⁹ Ar li dimoun pa vantar zot aprann seki drwat parski li montre zot so bon sime.

Nouvo Testaman Kreol Morisien Harmonisation NTPS KM

⁹ Ar li dimounn pa vantar zot aprann seki drwat parski li montre zot so bon sime.

Psom 25:9 Referans Kwoze

Psom 23:3

pou mo regagn lavi; li kondir mwa lor bon sime pou loner so nom.

Psom 149:4

LESEGNER trouv so boner omilie so pep e li kouronn bann feb ar laviktwar.

Psom 147:6

Li relev bann feb ki finn kraze; me li zet bann move dimoun anba dan lapousier.

Psom 143:10

Montre mwa sime to volonte akoz tomem mo Bondie. Ki to lespri gid mwa avek bonte lor sime ki peyna obstak.

Psom 119:66

Donn mwa sazes ek konesans parski mo fer konfians to komandman.

Psom 119:35

Gard mwa dan lobeisans to bann instriksion parski zot donn mwa boukou boner.

Psom 76:9

ler, twa Bondie, to ti dibout pou etablir zizman pou ed bann ki ti pe sibir dominasion.

Psom 73:24

To pou gid mwa ar bon konsey e alafin to pou akeyir mwa ar boukou loner.

Psom 27:11

Montre mwa SEGNER, seki bizin fer; ed mwa pran bon sime ki peyna obstak, parski mo ena boukou ennmi.

Psom 22:26

Pou ena boukou manze pou bann pov; bann ki pe rod LESEGNER pou loue li. Ki LESEGNER donn zot tou boner ek prosperite pou toultan.

Izai 61:1

Lespri LESEGNER lor mwa parski LESEGNER finn konsakre mwa, pou anons bann pov bon nouvel. Li finn anvoy mwa pou geri bann ki zot leker finn kase, pou proklam liberasion pou bann ki dan kaptivite; e liberte pou bann ki dan prizon.

Izai 11:4

Li pou ziz bann feb dapre lalwa. Li pa pou get ar de lizie kan li ziz bann pov ki dan pei. So parol, kouma enn baton, pou koriz pei-la. Li pou touy seki move avek lesouf so labous.

Proverb 8:20

Mo mars lor sime ladrwatir, lor sime lazistis.