Psom 25:5 - Kreol Morisyen OT Portions

⁵ Gid mwa dan to laverite e ansegn mwa parski tomem Bondie ki sov mwa. Mo kont lor twa toulezour mo lavi.

Nouvo Testaman Kreol Morisien Harmonisation NTPS KM

⁵ Gid mwa dan to laverite e ansegn mwa parski tomem Bondie ki sov mwa. Mo kont lor twa toulezour mo lavi.

Psom 25:5 Referans Kwoze

Proverb 8:34

Zot bienere, tou dimoun ki ekout mo parol; seki toulezour divan mo laport, e seki touletan dan lantre mo lakaz.

Psom 25:10

Ar lamour infini ek fidelite li gid dimoun ki gard so lalians e ki obeyir so instriksion.

Izai 30:18

Akoz samem, LESEGNER pe atann kan li pou donn zot so lagras. Akoz samem, li pou leve; pou montre zot so konpasion; parski LESEGNER, li enn Bondie lazistis. Bienere tou bann ki esper dan li.

Psom 88:1

SEGNER Bondie, mo Sover, toutlazourne mo kriy osekour; toutlanwit mo priye twa.

Psom 79:9

Ed nou, Bondie, twa ki nou Sover, pou laglwar to nom; liber nou e pardonn nou pou laglwar to nom.

Izai 49:10

Zot pou nepli gagn fin, nepli gagn swaf. Zot pou nepli soufer anba divan ki brile, anba soley, parski seki pitie zot la, pou kondir zot. Li pou kondir zot kot dilo sourse.

Psom 119:66

Donn mwa sazes ek konesans parski mo fer konfians to komandman.

Psom 107:7

Li ti tras enn sime drwat ki ti amenn zot direk anvil.

Izai 42:16

Mo pou kondir bann aveg lor enn sime ki zot pa kone. Lor bann santie ki zot pa kone, mo pou fer zot marse. Divan zot, mo pou fer marenwar vinn lalimier, landrwa kabose vinn laplenn. Mo pou akonpli tou seki mo finn dir, mo napa pou bliye zot.

Izai 54:13

Tou to bann garson pou bann disip LESEGNER, e lape to bann garson pou deborde.

Izai 35:8

Lerla pou ena enn larout ek enn sime ki pou apel “Sime sakre”. Okenn inpir pa pou pas laba. Me sime-la pou rezerve pou lepep bondie. Bann inbesil pa pou kapav trouv sa larout-la.

Proverb 23:17

Pa bizin zalou bann move dimoun; respekte LESEGNER sak zour to lavi.

Psom 119:97

O komie mo kontan to lalwa! Lanwit-lizour mo medit lor to lalwa.

Psom 86:3

Tomem mo Bondie! Pitie mwa, Segner. Mo priye twa lanwit-lizour.

Psom 24:5

Dimoun prop gagn benediksion LESEGNER; Bondie so Sover pou rekonet ki li zis.

Psom 22:2

Mo Bondie, lizour mo sipliy twa ed mwa, me san repons; lanwit mo kriye, mo pa gagn okenn repo.

Psom 119:33

SEGNER, montre mwa lespri to regleman e mo promet mo pou obeyir zot toultan.

Psom 119:26

Mo ti konfes saki mo finn fer, mo bann erer e to ti reponn mwa; montre mwa to regleman.

Psom 68:20

Nou Bondie, li enn Bondie ki donn delivrans; BONDIE Lesegner, ki sap nou dan lamor.

Psom 25:8

Parski LESEGNER li bon ek li drwat, li ansegn bann peser ki sime ki bon.

Zenez 49:18

SEGNER, mo pe atann to delivrans!