Psom 2:2 - Kreol Morisyen OT Portions

² Zot bann lerwa lor later pe prepar lager, zot bann dirizan pe vinn ansam kont LESEGNER e kont lerwa ki li finn konsakre.

Nouvo Testaman Kreol Morisien Harmonisation NTPS KM

² Zot bann lerwa lor later pe prepar lager, zot bann dirizan pe vinn ansam kont LESEGNER e kont lerwa ki li finn konsakre.

Psom 2:2 Referans Kwoze

Psom 45:7

ou kontan lazistis; ou deteste seki move. Akoz sa Bondie, ou Bondie, finn swazir ou, e finn aroz lor ou latet delwil benediksion, lonksion ki okenn lezot lerwa pa finn resevwar.

Proverb 21:30

Mem si to ena bann verti kouma lasazes, bon rezonnman, ek disernman, to pa pou kapav defie LESEGNER.

Psom 74:23

Pa bliye e rapel bien! To ennmi fer enn ta tapaz, to adverser pe touzour kriye mem.

Psom 48:4

Bann sef tribi ansam ar zot larme fer lalians pou atak montagn Sion

Psom 2:10

Alor, zot ki bann lerwa, servi lasazes; zot ki dirizan lor later, fer atansion.

Psom 89:20

Mo finn met mo serviter David lor tronn e mo finn beni so latet ar delwil sakre.

Psom 74:18

Me pa bliye, SEGNER, ki to ennmi pe boufonn twa; pa bliye zot peyna lafwa e ki zot mepriz to nom.

Izai 61:1

Lespri LESEGNER lor mwa parski LESEGNER finn konsakre mwa, pou anons bann pov bon nouvel. Li finn anvoy mwa pou geri bann ki zot leker finn kase, pou proklam liberasion pou bann ki dan kaptivite; e liberte pou bann ki dan prizon.

Psom 110:5

LESEGNER pe asiz lor ou kote drwat; kan so koler pran li, li rakle bann lerwa.

Psom 48:5

me ler zot trouv li dres divan zot, zot sezi, zot panike, zot sove-ale.

Psom 83:6

Bann Edom, bann Ismaelit, bann Moab, bann zanfan Agar,