Psom 19:8 - Kreol Morisyen OT Portions

⁸ Instriksion LESEGNER li drwat ek zis, li ranpli leker ar lazwa. Komandman LESEGNER bien kler li ouver nou lizie.

Nouvo Testaman Kreol Morisien Harmonisation NTPS KM

⁸ Instriksion LESEGNER li drwat ek zis, li ranpli leker ar lazwa. Komannman LESEGNER bien kler li ouver nou lizie.

Psom 19:8 Referans Kwoze

Psom 12:6

Nou fer konfians promes LESEGNER, so parol kler ek prop kouma larzan, enn metal presie ki finn pirifie set fwa dan dife laforz.

Psom 119:105

To lalwa li enn lalanp ki ekler mo sime; enn far ki diriz mwa dan nwar.

Proverb 30:5

Tou seki Bondie dir, li vre; li enn boukliye pou dimoun ki rod so sekour.

Psom 119:128

Alor san ezite mo swiv tou to bann instriksion e mo deteste larout mansonz.

Proverb 2:6

Parski LESEGNER, limem lasours lasazes, so parol donn konesans ek disernman.

Psom 119:92

Si to lalwa pa ti lasours mo lazwa depi lontan mo douler ti pou fini touy mwa.

Psom 119:80

Ed mwa pou respekte to lansegnman kouma bizin pou anpes mwa sibir imiliasion dan defet.

Proverb 6:23

Bann komannman-la kouma enn lalanp dan marenwar; bann lansegnman-la kouma enn lalimier dan lobskirite. Bann repros ek disiplinn pou ouver sime lavi pou twa.

Psom 119:16

To bann lalwa donn mwa satisfaksion; to parol finn grave dan mo memwar.

Psom 119:14

Mo ena boukou lazwa kan mo obeyir to komandman plis ki lazwa ki enn dimoun ena ki posed enn rises enorm.

Psom 119:171

Mo pou sant to louanz parski to ansegn mwa to regleman.

Psom 119:143

Traka ek tourman trangle mo lekzistans me to lalwa ranpli mo leker ar lazwa.

Psom 119:130

Kan dimoun dekouver to parol sa li ekler zot lavi e bann ignoran trouv lizour.

Psom 119:121

Mo finn fer tou seki mo krwar bon ek korek; pa abandonn mwa dan grif bann opreser.

Psom 119:40

Mo dezir ekout to lord; par to drwatir fer mwa reviv.

Psom 119:12

Mo sant to louanz O SEGNER; montre mwa to regleman.

Psom 105:45

Koumsa li ti sir ki so pep ti pou gard so komandman, e pou rapel so bann lalwa. Alelouya, nou sant louanz LESEGNER!

Psom 40:8

Mo ena boukou plezir obeyir to volonte, Bondie. Mo finn grav to lalwa dan mo leker. “

Psom 13:3

O SEGNER mo Bondie, reponn mo lapel! Refer mo lizie briye ar lasante; sinon zot pou ferme ar somey lamor;

Zenez 26:5

parski Abraam ti ekout mo lavwa. Li ti gard mo bann komannman e li ti obeir mo lord, mo lalwa ek mo bann exizans.”

Izai 64:5

To finn mars avek bann ki fer to volonte, e ki fer li ar lazwa, e ki swiv sime ki to finn trase. Si to finn ankoler, se parski nou finn fer pese. Me lor to bann sime, nou gagn nou delivrans pou touzour.

Psom 119:54

Ninport kikote mo viv kouma enn etranze lor later mo konpoz kantik pou sant to bann lansegnman.

Psom 119:24

To leson donn mwa plezir; zot bann konseye ki ouver mo lespri.

Psom 93:5

To lalwa li eternel, SEGNER! To Tanp li sakre pou leternite!

Psom 111:7

Tou seki li fer, gouverne par fidelite ek lazistis; kapav fer konfians so bann instriksion.