Psom 18:8 - Kreol Morisyen OT Portions

⁸ Lafime ti pe sorti par so nene; depi so labous, laflam ki griy partou, ti akonpanye par labrez anflame.

Nouvo Testaman Kreol Morisien Harmonisation NTPS KM

⁸ Lafime ti pe sorti par so nene; depi so labous, laflam ki griy partou, ti akonpagne par labrez anflame.

Psom 18:8 Referans Kwoze

Psom 21:9

Kan to aparet to pou anflam zot kouma dibwa sek dan four; LESEGNER so lakoler pou anglouti zot e dife pou devor zot.

Psom 11:6

Lor bann move dimoun li pou vers labrez ek souf anflame; enn labriz kouma dife, samem ki li pou gard pou zot.

Zenez 19:28

Li zet enn regar dan direksion Sodom, Gomor ek bann landrwa dan lezanviron. Li trouv zis lafime ki pe monte depi dan laplenn, parey kouma kan lerb sek finn pran dife.

Psom 104:32

Li zet enn regar lor later e later tranble; li tous montagn e volkan eklate.

Psom 74:1

Ayo Bondie, kifer to abandonn nou pou toultan? Kifer to ankoler kont nou, troupo dan to patiraz?

Psom 50:3

Nou Bondie pe vini, pa krwar so demars trankil! Divan li enn gran laflam ki devor tou; otour li enn siklonn violan pe balye tou.

Izai 24:18

Seki sove divan terer, pou tom dan lafos. Seki sap dan lafos, pou gagn maye dan file. Baraz dilo ki lao finn ouver, soubasman lemond pe tranble lor so baz.