Psom 16:3 - Kreol Morisyen OT Portions

³ Dan sa pei la, bann ki swiv Bondie zot nob ek bon! Mo ena afeksion pou bann dimoun koumsa.

Nouvo Testaman Kreol Morisien Harmonisation NTPS KM

³ Dan sa pei la, bann ki swiv Bondie zot nob ek bon! Mo ena afeksion pou bann dimounn koumsa.

Psom 16:3 Referans Kwoze

Proverb 13:20

Frekant dimoun saz e to pou vinn saz; me si to mars ar dimoun bet, to pou gagn problem.

Proverb 12:26

Enn dimoun drwat donn bon konsey so prosin; me sime enn move dimoun amenn li dan petrin.

Izai 62:4

Nepli pou dir twa: “Abandone”, e pou nepli dir to later: “Dezolasion”. Me pou apel twa: “Tomem mo lazwa,” e to later: “Tomem mo madam.” Parski LESEGNER pou trouv so lazwa dan twa, e pou marye ar to later.

Proverb 8:31

Li enn gran plezir viv dan lemond ki li finn kre; li enn gran lazwa viv kot bann imin.

Psom 119:63

Mo solider ar bann ki ador twa e ki obeyir to instriksion.

Psom 116:15

LESEGNER resanti douler, kan so bann fidel mor.

Psom 101:6

Mo pou soutenir bann ki res fidel ar Bondie e pou ena plas pou zot dan mo sato. Zis bann ki onet dan zot manier viv pou gagn drwa servi mwa.

Psom 30:4

Zot tou bann fidel sant louanz LESEGNER! Selebre so nom ki sin, e dir li mersi.

Psom 122:8

Pou bienet mo fami ek konesans mo dir Zerizalem, “Lape beni twa!”