Psom 143:8 - Kreol Morisyen OT Portions

⁸ Toulegramatin fer mwa konn to lamour infini parski mo finn met mo konfians dan twa. Montre mwa sime ki mo bizin swiv parski mo finn tourn mwa ver twa.

Nouvo Testaman Kreol Morisien Harmonisation NTPS KM

⁸ Toule gramatin fer mwa konn to lamour infini parski mo finn met mo konfians dan twa. Montre mwa sime ki mo bizin swiv parski mo finn tourn mwa ver twa.

Psom 143:8 Referans Kwoze

Izai 48:17

Ala seki LESEGNER to sover pe dir, Bondie Izrael: Momem LESEGNER to Bondie. Mo pe fer twa aprann pou to prop dibien. Mwa ki pe kondir twa lor sime ki to pe swiv.

Psom 46:5

Bondie omilie so lavil ki pa pou konn destriksion; letan soley leve, li fini la pou donn sekour.

Psom 32:8

Mo pou ansegn twa e montre twa ki sime bizin pran; Mo pou gid twa e konsey twa.

Izai 30:21

Ler to pou bizin al dan drwat oubien dan gos, to de zorey pou tann enn parol deryer twa ki pou dir “Samem sime ki to bizin pran, swiv li.”

Psom 59:16

Mwa mo pou kontinie loue to lafors; toulegramatin mo pou sant to lamour infini bien for. Tomem mo protekter, mo refiz kan difikilte pe rod touf mwa;

Psom 143:10

Montre mwa sime to volonte akoz tomem mo Bondie. Ki to lespri gid mwa avek bonte lor sime ki peyna obstak.

Psom 27:11

Montre mwa SEGNER, seki bizin fer; ed mwa pran bon sime ki peyna obstak, parski mo ena boukou ennmi.

Psom 90:14

Toulegramatin ranpli nou ar to lamour infini; koumsa nou pou kapav sante e konn lazwa toulezour.

Psom 86:4

Donn to serviter lazwa, Segner, parski mo tourn ver twa dan mo lapriyer.

Psom 30:5

So koler tengn vit me so bonte li permanan. Si aswar larm kapav koule gramatin lazwa briye.

Psom 119:34

Fer mwa konpran to lalwa e mo pou swiv li; mo pou grav li dan mo leker.

Psom 119:73

To ti kree mwa, to finn fasonn mwa; nouri mo lespri pou mo konpran to bann komandman.

Psom 42:8

Lizour LESEGNER donn mwa so lamour infini touletan pouki aswar mo kapav sant louanz mo Bondie e priye li, limem mo lavi.

Psom 5:8

SEGNER, twa ki zis, gid mwa, ena boukou ki pe kasiet pou atak mwa. Tir tou bann obstak ki ena lor sime tonn montre mwa pou swiv.

Psom 25:20

Protez mwa, sov mwa; anpes mwa tom dan laont. Zis to tousel ki kapav garanti mo sekirite.