Psom 142:3 - Kreol Morisyen OT Portions

³ Kan mo nepli ena kouraz, to kone ki mo bizin fer. Lor mo larout, mo ennmi finn instal piez partou.

Nouvo Testaman Kreol Morisien Harmonisation NTPS KM

³ Kan mo nepli ena kouraz, to kone ki mo bizin fer. Lor mo larout, mo lennmi finn instal piez partou.

Psom 142:3 Referans Kwoze

Psom 141:9

Protez mwa kont bann latrap zot finn poz lor mo sime; anpes mwa rant dan piez bann ki pratik lemal.

Psom 140:5

Bann dimoun fezer finn instal latrap pou mwa; ar lakord zot finn tal enn file pou may mwa; zot finn met piez partou lor mo sime.

Psom 143:4

Mo pe bes lebra; dezespwar pe touf mwa net.

Psom 61:2

Depi dan bout later mo kriye twa, mo dekouraze, mo dezespere. Kondir mwa lao, dan enn oter, ki tro ot pou mwa.

Psom 102:4

Mo kouma lerb sek ki kraze dan later e manze mo nepli anvi manze.

Psom 77:3

Ler mo pans Bondie, mo soupire; ler mo fer meditasion, dekourazman sezi mwa.

Psom 56:6

Zot vinn ansam, dan kasiet zot louk mwa, zot vey mo bann mouvman, e zot atann pou touy mwa.

Psom 31:4

Anpes mwa tom dan piez ki finn plase pou mwa, parski tomem mo proteksion kont danze.

Psom 22:14

Mo lafors pe ale, pe koule kouma dilo; tou bann lezo dan mo lekor finn disloke net, e mo leker kouma lasir, li pe fonn dan mwa.

Psom 1:6

LESEGNER protez e gid lavi dimoun ki zis, me bann ki fer move pou zwenn lapert ek lamor.

Psom 17:3

Si to examinn fon mo leker; si pandan lanwit to vey mwa, si to teste mwa, to pa pou trouv okenn blam kont mwa. Mo labous zame dir move kiksoz

Psom 62:9

Nou, dimoun, nou zis enn ti souf respirasion; ki nou gran ki nou tipti nou pa vo gransoz; met nou lor balans e nou pa pez nannye ditou; nou pli leze ki enn ti labriz.

Psom 102:1

SEGNER, ekout mo lapriyer; ekout mwa kriye mo detres.