Psom 139:18 - Kreol Morisyen OT Portions

¹⁸ To ena plis plan dan to latet ki lagrin disab lor laplaz; mo pakapav konte; mo leve - mo touzour avek twa.

Nouvo Testaman Kreol Morisien Harmonisation NTPS KM

¹⁸ To ena plis plan dan to latet ki lagrin disab lor laplaz; mo pa kapav konte; mo leve, mo touzour avek twa.

Psom 139:18 Referans Kwoze

Psom 3:5

Aswar mo alonze, mo dormi anpe; gramatin mo leve; LESEGNER la, li mo sekirite.

Psom 139:3

To kone sipa mo pe travay ou si mo pe kas poz; to ena tou konesans lor seki mo pe fer.

Psom 40:5

Zot vremem boukou, SEGNER, mo Bondie, bann mirak ek bann mervey ki to finn fer pou nou. Peyna to segon! Mo anvi rakonte, rakonte mem, me konte fini, ankor ena mervey pou rakonte.

Psom 17:15

Mwa, akoz lazistis, mo pou trouv twa divan mwa; e kan soley leve, to prezans ranpli mwa ar lazwa.

Izai 26:19

To bann mor pou reviv, zot kadav pou resisite. Leve, sante, zot ki res dan lapousier, parski to laroze enn laroze lalimier, e later pou redonn lavi bann mor.

Psom 40:12

Traka partou otour mwa, tro boukou pou konte. Mo bann pese finn anvayir mwa, zot anpes mwa trouv kler. Zot plis ki seve lor mo latet zot fer mwa perdi kouraz.

Psom 40:6

To pa bizin ofrand ek sakrifis; to finn donn mwa zorey pou tande. To pa bizin sakrifis ki bril zanimo ouswa sakrifis pou lav pese.