Psom 138:7 - Kreol Morisyen OT Portions

⁷ Si mo mars dan ladetres, to fer mwa reviv. To protez mwa kont ennmi redoutab e to pouvwar sov mwa.

Nouvo Testaman Kreol Morisien Harmonisation NTPS KM

⁷ Si mo mars dan ladetres, to fer mwa reviv. To protez mwa kont lennmi redoutab e to pouvwar sov mwa.

Psom 138:7 Referans Kwoze

Izai 41:10

Napa gagn per parski mo avek twa. Napa efreye, parski momem to bondie. Mo finn rann twa for, e mo finn ed twa. Mo finn protez twa ar mo lame drwat ki ranport laviktwar.

Psom 85:6

To pa pou redonn nou lavi, pou ki to pep retrouv so lazwa an twa?

Izai 5:25

Akoz samem koler LESEGNER finn anflame kont so pep. Li finn lev so lame kont li. Li finn tap li e bann montagn finn tranble. Zot kadav kouma salte dan milie sime. Akoz tousala, so koler pa finn kalme, so lame ankor lao.

Izai 10:4

Kouma zot pou fer pou pa mars kat pat ansam avek bann prizonie? E ki manier zot pou fer pou ki zot pa tom ansam avek bann ki finn asasine? Akoz tousala, so koler pa finn kalme, so lame ankor leve.

Psom 60:5

Servi to pouvwar pou sov nou; ekzos nou lapriyer pou ki pep ki to kontan gagn delivrans.

Psom 17:7

Montre mwa to gran lamour fidel, twa ki ofer proteksion bann ki rod sekour kot twa; zot sap dan lame bann agreser.

Psom 77:10

Apre mo dir momem, “Seki fer mwa plis dimal se kikfwa Bondie Pli Lao nepli servi so pouvwar dan nou faver.”

Psom 44:3

Pa kapav dir ki to pep ti gagn pei ar lafors zot lepe; zot pa ti gagne akoz zot larme ti for. Zot ti gagne grasa to pwisans ek to lafors; zot ti gagne par lalimier to prezans, parski to kontan zot.

Psom 18:35

To finn donn mwa to boukliye ki sov mwa; to lame drwat finn soutenir mwa; to bonte finn rann mwa for.

Psom 56:9

Zour mo dimann to led mo ennmi oblize kile. Mo kone ki LESEGNER li ar mwa, li lor mo kote.

Psom 20:6

Mo sir aster ki LESEGNER pou donn laviktwar so lerwa ki li finn konsakre; Bondie pou reponn lerwa depi so sanktyer dan lesiel e par so pwisans pou donn li laviktwar.

Izai 9:17

Vremem, mesanste finn brile kouma enn dife. Li finn devor pikan ek zepinn. Li finn bril bann bwison dan lafore. Enn tourbiyon lafime pe fane partou.

Izai 9:12

Me pep-la pa finn revinn ver seki ti pe tap li. Li pa finn rod LESEGNER Toupwisan.

Izai 57:16

Mo pa pou touletan res akiz zot mem. Mo pa pou res ankoler mem. Sinon, tou seki mo finn kre pou perdi souf lavi.

Psom 18:17

Li ti liber mwa, kas mo lasenn, parski mo ennmi ti tro for, mo adverser tro pwisan.

Psom 18:18

Zot ti profit mo maler pou atak mwa me LESEGNER ti vinn defann mwa.