Psom 138:4 - Kreol Morisyen OT Portions

⁴ SEGNER, tou bann lerwa dan lemond loue twa parski zot tann parol to labous.

Nouvo Testaman Kreol Morisien Harmonisation NTPS KM

⁴ SEGNER, tou bann lerwa dan lemond loue twa parski zot tann parol to labous.

Psom 138:4 Referans Kwoze

Psom 102:15

Bann nasion zot respe LESEGNER; bann lerwa lor later ena reverans pou li.

Psom 72:11

Tou bann lerwa pou prostern divan li, tou bann tribi pou servi li.

Psom 22:27

Ziska finfon later, zot tou pou rapel e zot tou pou retourn ver LESEGNER. Bann fami diferan tribi ek nasion pou prostern devan li ek ador li.

Psom 22:22

Mo pou rakont tou dimoun tou seki to finn fer; dan nou lasanble mo pou sant to louanz.

Izai 60:16

To pou bwar dile bann pei, to pou devor rises bann lerwa. To pou kone ki momem LESEGNER ki pe sov twa, momem to sover ki for dan Zakob.

Izai 49:23

Bann lerwa pou to bann papa adoptif, e bann prinses, to bann nouris. Lor later, zot pou prostern divan twa, zot pou les lapousier anba to lipie. E to pou kone ki momem LESEGNER. Bann ki esper dan mwa napa pou regrete.

Psom 102:22

kan dimoun partou kote zwenn e bann rwayom osi, pou ador LESEGNER.

Psom 71:18

Aster ki mo finn vinn vie, ki mo seve finn vinn blan pa abandonn mwa Bondie. Les mwa proklam to lafors ar zenerasion ki pe vini, e rakont to pwisans ar bann zenerasion fitir.

Psom 51:13

Alor mo pou ansegn bann peser to bon sime e zot pou retourn ver twa.

Psom 57:9

Mo pou remersie twa, Segner, parmi lepep; mo pou dir to grander parmi bann nasion.