Psom 119:86 - Kreol Morisyen OT Portions

⁸⁶ To bann instriksion ranpli ar laverite. Mo ennmi pe persekit mwa san okenn rezon - ed mwa!

Nouvo Testaman Kreol Morisien Harmonisation NTPS KM

⁸⁶ To bann instriksion ranpli ar laverite. Mo lennmi pe persekit mwa san okenn rezon; ed mwa!

Psom 119:86 Referans Kwoze

Psom 70:5

Mwa mo feb ek pov; donn mwa to sekour Bondie! Tomem mo sekour, mo liberater; SEGNER, pa tarde pou ed mwa!

Psom 35:19

Pa les mo ennmi selebre laviktwar lor mwa, Pa les bann ki ena zis laenn dan leker gagn lamizman dan mo maler.

Psom 119:78

Fer bann gran-nwar dekonserte pou zot bann fos akizasion lor mwa; dan mo kote, mo pou medit lor to bann instriksion.

Psom 109:26

Ed mwa, SEGNER, mo Bondie! Parski to lamour li infini, sov mwa!

Psom 35:7

San okenn rezon zot finn met latrap pou may mwa; San okenn rezon zot finn fouy trou profon pou piez mwa.

Psom 119:151

Me twa SEGNER, to la koste ar mwa e to komandman li vre pou toultan.

Psom 119:138

To bann instriksion zot baze lor drwatir ek lazistis, zot ranpli ar fidelite.

Psom 119:128

Alor san ezite mo swiv tou to bann instriksion e mo deteste larout mansonz.

Psom 119:142

To drwatir li eternel e to lalwa li laverite pou tou letan.

Psom 19:9

Respe pou LESEGNER li bien bon, li valab pou toultan. Zizman ki LESEGNER rande li vre, e zot touzour zis.

Psom 143:9

SEGNER, mo vinn ver twa pou gagn to proteksion; protez mwa kont mo ennmi.

Psom 38:19

Mo bann ennmi paret bien for. Parmi, boukou ayir mwa san rezon.