Psom 119:14 - Kreol Morisyen OT Portions

¹⁴ Mo ena boukou lazwa kan mo obeyir to komandman plis ki lazwa ki enn dimoun ena ki posed enn rises enorm.

Nouvo Testaman Kreol Morisien Harmonisation NTPS KM

¹⁴ Mo ena boukou lazwa kan mo obeir to komannman plis ki lazwa ki enn dimounn ena ki posed enn rises enorm.

Psom 119:14 Referans Kwoze

Psom 119:162

To parol donn mwa gran lazwa kouma kikenn ki finn dekouver enn gran trezor.

Psom 112:1

Alelouya, nou sant louanz LESEGNER! Bienere dimoun ki onor LESEGNER, ki obeyir so lansegnman ar plezir.

Psom 119:127

Mo vreman kontan to komandman plis ki lor, plis ki lor pli fin ki ena.

Psom 119:111

To bann exizans finn grave dan mo lespri pou leternite; zotmem ki met lazwa dan mo leker.

Psom 119:77

Ena pitie pou mwa e mo pou kontinie viv parski mo kontan to lalwa.

Psom 119:72

Lalwa ki to prononse, samem meyer pou mwa, li vo plis ki tou bann trezor dan lemond.

Psom 119:47

Mo santi mwa dan bien kan mo pe obeyir to komandman parski mo telman kontan to parol.