Psom 118:15 - Kreol Morisyen OT Portions

¹⁵ Ekout bann sante laviktwar ek delivrans sorti depi dan latant lepep Bondie: “Lafors LESEGNER finn trionfe!

Nouvo Testaman Kreol Morisien Harmonisation NTPS KM

¹⁵ Ekout bann sante laviktwar ek delivrans sorti depi dan latant lepep Bondie: “Lafors LESEGNER finn triyonfe!

Psom 118:15 Referans Kwoze

Psom 89:13

To pouvwar li bien gran, to lafors li san limit.

Psom 60:12

Kan Bondie mars ar nou laviktwar li dan nou lame parski li pou kraz nou ennmi.

Psom 98:1

Anou sant enn nouvo sante pou LESEGNER ki finn fer bann explwa merveye! Zis ar so pouvwar ek so lafors sakre li finn sorti viktorye.

Izai 65:13

Akoz samem, ala LESEGNER Bondie pe dir: “Ala mo bann serviter pou manze, me zot, zot pou gagn fin. Ala mo bann serviter pou bwar, me zot, zot pou gagn swaf. Ala mo bann serviter pou dan lazwa, me zot, zot pou dan laont.

Psom 119:111

To bann exizans finn grave dan mo lespri pou leternite; zotmem ki met lazwa dan mo leker.

Psom 68:3

Dimoun drwat dan lazwa; zot selebre zot lazwa dan prezans Bondie, zot ranpli ar boner.

Psom 44:3

Pa kapav dir ki to pep ti gagn pei ar lafors zot lepe; zot pa ti gagne akoz zot larme ti for. Zot ti gagne grasa to pwisans ek to lafors; zot ti gagne par lalimier to prezans, parski to kontan zot.

Psom 32:11

Zot ki viv dan drwatir, dans avek lazwa dan LESEGNER! Kriye zot lazwa, zot ki ena leker drwat.

Psom 45:4

Kouma enn gran lerwa, mars ver laviktwar pou defann laverite, limilite e lazistis. Ou pwisans pou demontre bann gran aksion.

Psom 119:54

Ninport kikote mo viv kouma enn etranze lor later mo konpoz kantik pou sant to bann lansegnman.

Psom 5:12

Wi, twa, SEGNER, to beni bann ki obeyir twa, to gran lamour anvlop zot e protez zot parey kouma enn boukliye.

Psom 111:2

LESEGNER finn fer bann aksion extraordiner; tou dimoun ki admir so bann explwa reflesi lor la.