Psom 103:17 - Kreol Morisyen OT Portions

¹⁷ Depi touzour ziska touzour LESEGNER ena enn lamour infini pou bann ki onor li; e so fidelite pou dire pou zanfan zot zanfan;

Nouvo Testaman Kreol Morisien Harmonisation NTPS KM

¹⁷ Depi touzour ziska touzour LESEGNER ena enn lamour infini pou bann ki onor li; e so fidelite pou dire pou zanfan zot zanfan;

Psom 103:17 Referans Kwoze

Psom 100:5

LESEGNER li vremem bon; so lamour infini li eternel; so fidelite kontinie pou touzour.

Izai 51:6

Lev zot lizie ar lesiel, get anba lor later. Wi, lesiel pou fane kouma lafime, later pou vinn vie kouma enn linz, e so bann abitan pou mor kouma mous. Me mo delivrans pou res pou touzour, e mo lazistis zame pou fonn.

Psom 118:1

Nou remersie LESEGNER parski li vremem bon, so lamour infini li eternel.

Psom 90:16

Permet nou dekouver to bann gran aksion; permet nou desandan trouv to pwisans triyonfan.

Izai 41:8

E twa, Izrael, mo serviter, Zakob, twa ki mo finn swazir, desandan Abraam, mo kamarad;

Psom 25:6

Pa bliye, SEGNER, konpasion ek lamour infini ki to finn donn nou depi komansman.

Psom 22:31

Zanfan ki pa‘nkor ne enn zour pou tann dir, “Lesegner ti defann e protez so pep.”

Izai 46:13

Mo pe fer mo lazistis koste. Li pa lwin. Mo delivrans pa pou tarde. Mo pou met dan Sion mo delivrans, dan Izrael, mo laglwar.

Psom 111:3

Tou seki Lesegner fer reyone ar loner ek mazeste. So drwatir li eternel.