Proverb 24:1 - Kreol Morisyen OT Portions

¹ Pa rod fer kouma bann move dimoun; pa ni frekant zot.

Nouvo Testaman Kreol Morisien Harmonisation NTPS KM

¹ Pa rod fer kouma bann move dimounn; pa ni frekant zot.

Proverb 24:1 Referans Kwoze

Psom 37:7

Gard silans divan LESEGNER, atann avek pasians; pa fatig to lespri ar sikse bann move dimoun ki paret pe reysi ar zot move plan.

Proverb 3:31

Pa zalou enn dimoun violan, e pa swiv so manier.

Proverb 23:17

Pa bizin zalou bann move dimoun; respekte LESEGNER sak zour to lavi.

Proverb 13:20

Frekant dimoun saz e to pou vinn saz; me si to mars ar dimoun bet, to pou gagn problem.

Psom 73:3

parski mo ti anvi pran plas bann vantar letan mo trouv bann move dimoun pe prospere.

Psom 37:1

Pa les move dimoun fatig to latet; pa bizin zalou dimoun malonet.

Proverb 24:19

Pa kas to latet ar bann move dimoun; pa rod vinn kouma zot;

Psom 26:9

Pa tret mwa parey dimoun ki dan pese; pa pran mo lavi kouma pran lavi bann kriminel;

Psom 1:1

Bienere sa dimoun ki pa ekout konsey bann ki fer lemal, ki pa swiv sime dimoun ki fer pese, ki pa asiz ar dimoun vantar.

Proverb 4:14

Pa imit bann move dimoun; pa azir kouma bann malfeter.

Proverb 4:15

Mo piti! Pa frekant zot sime; pran lot direksion, e kontign to larout.