Proverb 21:11 - Kreol Morisyen OT Portions

¹¹ Kan vantar gagn pinision, mem ignoran gagn enn leson; me linstriksion grandi konesans enn saz.

Nouvo Testaman Kreol Morisien Harmonisation NTPS KM

¹¹ Kan vantar gagn pinision, mem inioran gagn enn leson; me linstriksion grandi konesans enn saz.

Proverb 21:11 Referans Kwoze

Proverb 19:25

Koriz enn insolan, bann bet pou aprann vinn pridan; montre enn bon dimoun so erer, li pou vinn pli intelizan.

Proverb 18:15

Enn dimoun intelizan touletan anvi aprann; enn saz touletan anvi ekout bon lansegnman.

Proverb 9:9

Konsey enn saz, e li pou vinn pli saz; ansegn enn dimoun drwat, e li pou vinn pli intelizan.

Proverb 18:1

Dimoun egois rod so prop lintere; li ankoler kan donn li bon konsey.

Proverb 15:14

Dimoun saz gagn swaf konesans; dimoun bet manz zis so foli.

Proverb 1:5

Si kikenn deza saz, les li ekoute kanmem, pou so konesans ogmante; mem si kikenn deza ena disernman, sa pou ed li viv enn lavi drwat;

Proverb 9:7

Kan to koriz enn insolan, to gagn maltrete; kan to kritik enn move dimoun, to gagn insilte.