Ester 7:7 - Kreol Morisyen OT Portions

⁷ Lerwa kit festin dan enn gran koler, e li al dan zardin pale. Amann remarke ki lerwa finn fini deside pou fer touy li. Akoz sa li res lamem e sipliy larenn pou pa touy li.

Ester 7:7 Referans Kwoze

Proverb 19:12

Kan lerwa ankoler tou dimoun gagn per; me so bonte kouma laroze ki rafresi lerb ver.

Ester 1:12

Me larenn Vasti refiz ekout lord ki lerwa finn donn li atraver bann serviter la. Sa fer lerwa bwi ar koler.

Izai 60:14

Desandan bann ki ti imilie twa, Zot pou koste kot twa, Zot pou vinn kot twa, zot pou kourbe divan twa. Tou bann ki ti mepriz twa, zot pou prostern divan to lipie. Zot pou apel twa: “Lavil LESEGNER”, “Sion ki Sin dan Izrael”.

Proverb 14:19

Move dimoun pou kourbe divan bon dimoun; bann malfeter pou dimann sarite divan laport bann dimoun drwat.

Psom 112:10

Kan bann azan lemal trouv sa, zot ankoler; zot grinse, lor vites zot disparet; zot lespwar disparet pou toultan.

Ester 1:5

Apre sa, lerwa fer enn lot fet dan zardin pale. Tou bann dimoun ki res dan lavil Siz invite; depi pli ris ziska pli pov. Sa fet la dire pandan enn semenn antie.

Ester 7:10

Bannla pandi Amann lor safodaz ki li ti finn prepare pou Mardose. Apre sa, koler lerwa kalme.

Proverb 14:35

Enn serviter intelizan gagn faver lerwa; me enn serviter malonet atir so koler.

Proverb 16:14

Enn dimoun saz fer tou pou lerwa res kalm; kan lerwa sap lor kal, lamor lor baz.