Ester 5:4 - Kreol Morisyen OT Portions

⁴ Ester reponn li : “Si sa fer lerwa plezir, les li vinn avek Amann dan festin ki mo finn prepare pou lerwa zordi.”

Ester 5:4 Referans Kwoze

Proverb 29:11

Enn dimoun bet sap lor kal brit; enn dimoun saz konn kontrol so lemosion.

Ester 5:8

Si mo finn gagn lestim lerwa e si sa fer li plezir pou donn mwa seki mo dimande, mo ti pou kontan si lerwa ek Amann vinn dan festin ki mo pou organize pou zot dime. Lerla, mo pou dir lerwa mo dezir.”

Psom 112:5

Dimoun ki zenere e ki prete, li pou dan bien, si roul so komers dan enn manier drwat, li pou fer bien.

Ester 3:15

Bann let la ale vit-vit par lord lerwa ek dekre la pase dan kapital Siz. Amann ek lerwa pe amize, manze-bwar, me bann zabitan Siz dan traka, nepli kone ki pou fer.

Zenez 32:20

Li donn mem lord ek deziem, trwaziem, ek tou lezot serviter ki pe kondir bann troupo. Li dir zot: “Samem zot bizin dir Ezai kan zot zwenn li.

Zenez 27:25

Alor, Izaak dir li: “Servi mwa, mo garson. Les mo manz sa bon laviann la. Apre, mo pou donn twa mo benediksion.” Zakob donn li manze. Li amenn osi inpe divin, e so papa bwar.

Ester 5:3

Lerwa dimann li: “Ki finn arive, larenn Ester? Ki mo kapav fer pou twa? Seki to dimande mo pou donn twa, mem si sa kout mwa lamwatie mo rwayom.”

Ester 5:5

Lerwa dir: “Degaze al sers Amann pou ki nou realiz dezir Ester.” Lerla, zot toulede, lerwa ek Amann, al dan festin ki Ester finn prepare.

Ester 1:9

Larenn Vasti osi organiz enn festin dan sato lerwa Zerses pou tou bann fam.