Ester 3:1 - Kreol Morisyen OT Portions

¹ Amann garson Amedata, enn Agazit. Apre bann levennman ki finn pase, lerwa Zerses nomm Amann pli gran fonksioner lakour rwayal. Lerwa fer li vinn premie minis parmi tou bann ofisie.

Ester 3:1 Referans Kwoze

Ester 5:11

Li koumans flat limem ar zot. Li dir zot ki kantite rises ek komie garson li ena. Li osi dir zot ki manier lerwa finn nomm li pli gran fonksioner lakour rwayal. Sa donn li enn gran loner.

Ester 3:10

Lerla, lerwa tir so bag li donn Amann, garson Amedata ki enn Agazit. Amann, limem lennmi bann Zwif.

Zenez 41:40

Mo nom twa gouverner mo pei. Tou mo pep pou obeir to lord. Zis mo tousel ki pou pli gran ki twa akoz mo tit lerwa.

Proverb 29:2

Kan bann dimoun drwat opouvwar, lepep ena lazwa dan leker; me kan enn diktater gouverne, lepep pas mizer.

Psom 12:8

Bann move dimoun pe rode partou, e partou koripsion pe gagn plis valer.

Ester 8:3

Apre sa, Ester re-al koz avek lerwa. Li tom dan so lipie anlarm. Ester sipliy lerwa pou sov bann Zwif dan sa plan diabolik ki Amann ti finn konplote kont zot la.

Ester 7:6

Ester dir li: “Amann sa! Limem nou lennmi ek nou adverser, sa move dimoun la!” Amann gagn extra per divan lerwa ek larenn.

Ester 1:14

Ala nom bann dimoun ki li fer vini: Karsena, Setar, Admata, Tarsis, Meres, Marsena ek Memoukann. Zot set minis Pers ek Medi ki gagn akse ar lerwa anpremie dan rwayom.

Zenez 41:55

Kan bann Ezipsien koumans soufer lafin, zot dimann Faraon nouritir. Faraon dir zot: “Al get Zozef, e fer tou seki li dir zot.”