Ester 1:19 - Kreol Morisyen OT Portions

¹⁹ Si lerwa zize ki sa bon, fer enn lord rwayal sorti. Ekrir li dan bann lalwa Pers ek Medi pou ki pa kapav sanz li; fer ki Vasti nepli gagn okenn drwa pou vinn divan lerwa Zerses ankor. Lerla, lerwa ava donn tit larenn enn lot dimoun ki pli respektab.

Ester 1:19 Referans Kwoze

Ester 8:8

To kapav ekrir seki to oule dan faver bann Zwif, lor nom lerwa. Stanp li avek bag lerwa, parski pa gagn drwa sanz enn lord ki ekrir lor nom lerwa e ki stanpe avek so bag.”

Ester 8:5

e Ester remet li dibout divan lerwa. Li dir: “Si sa fer lerwa plezir e si mo finn gagn so faver; si li panse ki seki mo pe dir, bon, e ki mo gagn so lakor, fer enn lord ofisiel sorti. Sa lord la pou kennsel tou sa bann let ki Amann, garson Amedata, enn Agazit, ti ekrir pou donn lord touy bann Zwif dan tou so bann provins.

Ester 3:9

Si lerwa zize ki li bon, fer enn dekre ki pou donn lord detrir zot. Mo sir mo pou kapav gagn ziska trwasan tonn larzan ki mo pou donn bann ofisie ki ansarz bann biznes Lerwa. Zot pou kapav met sa larzan la dan lakes lerwa.”

Ester 1:21

Sa konsey la fer lerwa ek so bann ofisie plezir. Lerwa fer parey kouma Memoukann finn propoze.

Ester 1:18

Zordimem, bann fam tou bann minis dan Pers ek Medi pou kone ki larenn Vasti finn fer. Lerla, zot osi zot pou koumans dezobeir zot mari e sa pou kre enn gran dezord!

Ester 2:1

Apre bann levennman avek larenn Vasti, koler lerwa Zerses finn pase. Li reflesi lor seki larenn Vasti finn fer ek lor desizion ki finn pran kont larenn.