Zn 9:16 - Nouvo Testaman Kreol Morisien Harmonisation NTPS KM

¹⁶ De-trwa Farizien dir li, “Sa dimounn ki finn fer sa la, pa posib ki li sorti kot Bondie, parski li pa respekte saba.” Enn lot bann ti pe dir, “Kouma enn peser kapav fer sa kalite mirak-la?” Lerla finn ena divizion ant zot.

Nouvo Testaman dan Kreol Morisien

¹⁶ Detrwa Farizien dir li, “Sa dimoun ki finn fer sa la, pa posib ki li sorti kot Bondie, parski li pa respekte saba.” Enn lot bann ti pe dir, “Kouma enn peser kapav fer sa kalite mirak la?” Lerla finn ena divizion ant zot.

Zn 9:16 Referans Kwoze

Zn 10:19

Ankor enn fwa, ti ena divizion parmi bann Zwif, akoz so bann parol.

Zn 7:43

Ti ena divizion dan lafoul lor lidantite Zezi.

Zn 7:12

Enn vole koze ti pe fane lor li dan lafoul. Ena ti pe dir, “Li enn bon dimounn.” Ena ti pe dir, “Li anbet dimounn.”

Zn 3:2

Dan nwar, li vinn get Zezi, li dir li, “Rabi, nou kone ki to enn gran profeser ki sorti kot Bondie parski personn pa kapav fer bann sign kouma to fer, si Bondie pa ar li.”

Mt 12:2

Ler bann Farizien trouv sa, zot dir li, “Get sa, to bann disip pe fer kiksoz ki pena drwa fer zour saba.”

Zn 15:24

Si mo pa ti fer pou zot, travay ki personn pa kapav fer, zot ti pou ena bon exkiz pou zot bann pese; me aster-la zot finn trouve e zot kontigne ayir mwa ek mo Papa.

Zn 14:11

Krwar mwa, mo dan mo Papa e mo Papa dan mwa; si zot pa krwar, krwar omwin dan seki mo pe fer.

Zn 9:24

Enn deziem fwa, zot apel aveg-la e zot demann li, “Dir laverite devan Bondie, nou kone ki sa dimounn-la enn peser.”

Zn 6:52

Lerla enn gran diskision leve ant bann Zwif; zot dir, “Kouma li kapav donn nou so lekor pou manze?”

Zn 5:36

Mo ena enn temwin dan mo faver ki dir kiksoz pli gran ki seki Zan finn dir. Travay ki mo Papa finn donn mwa pou akonpli, samem ase pou montre zot, ki vremem mo Papa finn avoy mwa.

Zistwar Bann Zapot 14:4

Me bann dimounn dan lavil ti divize: ena ki ti mars avek bann Zwif, ek inpe lezot ti avek bann zapot.

Mt 12:10

ti ena la enn boug; so lame ti paralize. Bann Farizien ti anvi piez Zezi; zot dir li, “Eski lalwa permet fer gerizon zour saba?”

Lk 13:14

Me sef sinagog ti ankoler parski Zezi ti fer sa gerizon-la enn zour saba. Alors li dir, “Ena sis zour pou travay; vinn rod gerizon dan sa bann zour-la, me pa zour saba.”

Zn 2:11

Samem premie sign Zezi ti fer. Sa ti pas dan Kana dan Galile; li finn montre so laglwar e so bann disip finn krwar dan li.

Zn 5:10

Alors bann Zwif dir ar sa dimounn ki finn geri la, “Zordi saba, to pena drwa sarye to nat.”

Zn 7:23

Si zot fer sirkonsizion lor enn garson zour saba pou ki lalwa Moiz pa kase, be, ki fer alors, zot ankoler ar mwa parski mo finn geri antie lekor enn dimounn zour saba?