Zn 8:6 - Nouvo Testaman Kreol Morisien Harmonisation NTPS KM

⁶ Zot ti pe dir sa pou met Zezi dan piez koumsa zot ti pou kapav met enn sarz lor li. Zezi bese e li ekrir avek so ledwa dan later.

Nouvo Testaman dan Kreol Morisien

⁶ Zot ti pe dir sa pou met Zezi dan piez koumsa zot a kapav met enn sarz lor li. Zezi bese e li ekrir avek so ledwa dan later.

Zn 8:6 Referans Kwoze

Lk 10:25

Enn dokter lalwa vinn get Zezi pou may li dan enn piez, li dir, “Met, ki mo bizin fer pou gagn lavi eternel?”

Mt 19:3

Enn bann Farizien koste ar li pou teste li. Zot dir, “Eski lalwa permet enn mari kit so fam san okenn rezon?”

1 Ko 10:9

Fode pa ki nou teste Lesegner kouma ena parmi bann-la ti fer, e zot finn trouv lamor par bann serpan.

Mk 10:2

Bann Farizien koste ar li. Zot ti pe rod instal li, alor zot dimann li si lalwa permet enn mari ranvway so fam.

Mk 8:11

Bann Farizien vini; zot koumans diskit ar Zezi; pou teste li, zot dimann li enn sign ki sorti depi lao dan lesiel.

Mt 26:63

Me Zezi pa dir nanye. Alor gran pret dir li, “Fer serman lor nom Bondie Vivan e dir nou si vremem to Lekris, Garson Bondie.”

Mt 22:35

e enn parmi zot ki ti enn dokter lalwa, dimann Zezi enn kestion pou piez li.

Mt 22:18

Me Zezi, ki konn zot mesanste, reponn zot, “Bann ipokrit, kifer zot anvi met mwa dan lak?

Mt 16:1

Bann Farizien ek Sadiseen avans ver Zezi pou piez li. Zot dimann li enn sign depi lesiel.

Mt 15:23

Me Zezi pa dir nanye; so bann disip vinn sipliy li, zot dir li, “Pous li, li pe swiv nou, li pe fatig nou.”

Mt 10:16

Get bien, mo pe avoy zot kouma bann mouton parmi bann loulou; zot bizin bien malin kouma serpan ek inosan kouma kolonb.

Proverb 26:17

Si to met to nene dan bagar ki pa konsern twa, koumadir to pe trap zorey enn move lisien.

Zn 8:2

Boner gramatin, li retourn dan Tanp e lepep antie vinn ar li. Li asize e li koumans ansegn zot.

Lk 11:16

Me lezot pou teste li, dimann li enn sign ki vinn depi lesiel.

Mk 12:15

Li kone kouma bann-la ipokrit; akoz samem li dir zot, “Pou ki fer zot rod instal mwa? Fer mwa gagn enn pies larzan mo gete.”

Psom 39:1

Mo ti dir, “Mo pou fer atansion seki mo fer; atansion mo fer pese ar seki mo dir; dan prezans move dimounn mo pa pou dir nanye.”

Mk 3:2

Bann-la ti pe vey Zezi, pou gete si li ti pou geri sa boug-la zour saba; koumsa zot ti pou kapav met enn sarz lor li.