Zn 8:32 - Nouvo Testaman Kreol Morisien Harmonisation NTPS KM

³² Zot pou konn laverite e laverite pou rann zot lib.”

Nouvo Testaman dan Kreol Morisien

³² Zot pou konn laverite e laverite pou rann zot lib.”

Zn 8:32 Referans Kwoze

Let pou Romin 8:2

An-efe, lalwa Lespri Sin ki donn lavi par Zezi Kris finn liber twa depi lalwa pese ek lamor.

Zn 8:36

Si Garson-la liber zot, alors vremem zot pou lib.

Zn 17:17

Sanktifie zot dan laverite parski to Parol laverite.

1 Pi 2:16

Konport zot kouma bann dimounn lib. Pa bizin servi zot liberte kouma enn vwal pou kasiet lemal, me azir kouma serviter Bondie.

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Let pou Romin 6:22

Aster-la zot finn lib par rapor ar pese e zot finn vinn esklav Bondie, zot ena sanktifikasion pou fri, ek so rezilta li lavi eternel.

Psom 25:5

Gid mwa dan to laverite e ansegn mwa parski tomem Bondie ki sov mwa. Mo kont lor twa toulezour mo lavi.

Let Zak 1:25

Me dimounn ki persevere pou examinn vre lalwa, lalwa laliberte, e li kontign ladan avek fidelite, li pa zis kontant li ekoute, me li osi met parol-la an pratik, abe sa dimounn-la li pou beni dan tou seki li fer.

Ga 5:1

Kris finn liber nou pou ki nou vinn vremem lib. Alor zot bizin tini ferm, pa les zot kraze anba fardo lesklavaz ankor.

Let Zak 2:12

Zot bizin koze ek azir kouma dimounn ki lalwa pou zize, lalwa ki rann lib.

Ga 5:13

Me zot, mo bann frer ek ser, finn apel zot pou ki zot lib. Selman fode pa zot mal servi zot liberte e viv dapre zot prop natir imin. Okontrer, les zot gide par lamour e met zot oservis zot bann kamarad.

Zn 7:17

Dimounn ki anvi fer volonte Bondie pou kone si mo lansegnman sorti kot Bondie oubien si mo pe koz dapre mo prop lide.

Let pou Romin 8:15

Sa Lespri ki zot finn gagne la, li pa enn lespri esklavaz, e ki replonz zot dan lafreyer, me zot finn resevwar enn Lespri ki fer zot zanfan Bondie, e ki fer nou kriye, “Abba! Papa!”

Zn 16:13

Kan Lespri laverite vini, li pou kondir zot dan laverite. Li pa pou koz dapre so prop lide, me tou seki li finn tande, samem li pou dir; li pou anons zot tou seki pou vini.

Proverb 1:23

Pran kont mo bann repros, mo ava donn twa mo konesans; mo ava grav mo parol dan to leker.

2 Tim 3:7

bann fam ki pe touzour aprann me zame kapav gout laverite.

Psom 119:45

Mo pou viv enn lavi dan parfe liberte parski mo fer tou pou ekout to konsey.

Proverb 4:18

Me sime bann zis, li kouma lalimier gramatin; so klarte kontign ogmante ziska soley anler.

Proverb 1:29

Parski zot ti ignor konesans, e zot ti refiz respekte LESEGNER.

Zn 6:45

Dan liv profet finn ekrir, ‘Bondie pou ansegn tou dimounn.’ Tou seki ekoute ek aprann ar mo Papa, pou vinn ar mwa.

Mt 11:29

Met mo fardo lor zot ledo, e vinn aprann ar mwa parski mo karakter li dou e mo leker ranpli ar limilite

Zn 1:14

Laparol finn vinn enn imin e li finn res kot nou. Li ti ranpli ar lamour ek laverite. Nou finn kontanple so laglwar, laglwar sel Garson Bondie Papa.

Zn 1:17

Si par Moiz nou finn resevwar lalwa, par Zezi Kris nou finn resevwar enn lamour infini.

1 Ko 7:22

Parski enn esklav ki Lesegner apele li enn zom lib ki depann lor Lesegner; parey, zom lib ki Lekris apele, li so esklav.

2 Zn 1:1

Mwa, Ansien, mo pe ekrir sa Madam ki Bondie finn swazire ek so bann zanfan, ki vremem mo kontan. Pa mo tousel ki kontan zot, me tou bann dimounn ki konn laverite,