Zn 6:9 - Nouvo Testaman Kreol Morisien Harmonisation NTPS KM

⁹ “Ena enn ti-garson isi ki ena sink dipin lagrin lorz ek de pwason griye; me ki sa pou servi pou sa kantite dimounn-la?”

Nouvo Testaman dan Kreol Morisien

⁹ “Ena enn tigarson isi ki ena sink dipin lagrin lorz ek de pwason griye; me ki sa pou servi pou sa kantite dimoun la?”

Zn 6:9 Referans Kwoze

Lk 9:13

Me li dir zot, “Donn bann-la manze zotmem.” Zot reponn, “Nou ena zis sink dipin ek de pwason. Amwin ki nou al aste manze pou tou sa bann dimounn-la.”

Mk 6:38

Li dir zot, “Komie dipin zot ena? Al gete.” Bann-la pran linformasion, zot reponn li, zis sink dipin ek de pwason.

Mt 14:17

Zot dir li, “Nou ena la zis sink dipin ek de pwason.”

Psom 78:19

Zot koz kont Bondie ler zot dir, “Eski Bondie kapav donn nou manze dan dezer?

Mt 16:9

Eski zot ankor san konpran? Zot pa rapel sa sink dipin ki ti nouri sink-mil zom-la e kantite panie plin zot ti ramase?

Mk 8:19

Kan mo ti kas sink dipin pou sink-mil dimounn, komie panie ranpli ar bout dipin zot ti ramase?” Zot dir li, “Douz.”

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pou ki par so povrete zot kapav vinn ris.

Psom 147:14

Li vey sekirite frontier pei pou ki ena lape, e li donn lasirans enn bon rekolt.

Psom 81:16

Me mo pep ti pou manz meyer dible; e ti pou bwar meyer dimiel sovaz.”

Revelasion 6:6

Mo tann koumadir enn lavwa sorti kot sa kat kreatir vivan la; li ti dir, “Enn mezir dible pou enn denie e trwa mezir lorz pou enn denie, me delwil ek divin, pa touse.”

Zn 11:32

Kan Marie ariv dan landrwa kot Zezi ti ete, kouma li trouv Zezi, li tom dan so lipie e li dir li, “Segner, si to ti la, mo frer pa ti pou mor.”

Zn 11:21

Mart dir Zezi, “Segner, si to ti la, mo frer pa ti pou mor.

Zn 6:7

Filip reponn li, “Larzan de-san zourne travay pa pou ase pou donn sakenn enn bouse manze.”

Psom 78:41

Tanzantan zot ti teste Bondie, zot ti provok Bondie ki Sin, ki Izrael adore.

Zn 6:11

Zezi pran dipin, li rann gras e partaz dipin-la ar bann ki ti pe asize; li fer parey ar pwason, kot sakenn finn gagn kantite ki li ti anvi.

Zn 21:9

Letan zot finn fini desann ater, zot trouv enn ti dife; lor dife-la pwason ti pe griye e ti ena dipin osi.

Zn 21:10

Zezi dir zot, “Amenn inpe pwason ki zot finn lapes zordi.”

Zn 21:13

Zezi vini, pran dipin e donn zot e li fer parey ar pwason.