Zn 4:48 - Nouvo Testaman Kreol Morisien Harmonisation NTPS KM

⁴⁸ Zezi dir li, “Tanki zot pa trouv bann sign ek bann mervey, zot pa pou krwar.”

Nouvo Testaman dan Kreol Morisien

⁴⁸ Zezi dir li, “Tanki zot pa trouv bann sign ek bann mervey, zot pa pou krwar.”

Zn 4:48 Referans Kwoze

Zn 20:29

Zezi dir, “Akoz to trouve, to finn krwar? Bienere seki krwar san trouve.”

Eb 2:4

Bondie limem finn soutenir sa mesaz-la par bann sign extraordiner avek enn bann mirak e osi par bann don dapre volonte Lespri Sin.

1 Ko 1:22

Bann Zwif demann sign, bann Grek rod sazes,

Zistwar Bann Zapot 2:22

Mo bann kamarad Izraelit, ekout seki mo ena pou dir zot: Zezi ki sorti Nazaret, ti enn dimounn ki ena lotorite Bondie, ki finn prouve devan zot par mirak, mervey ek sign, kouma zotmem zot kone.

Zn 12:37

Malgre tou bann sign ki li finn fer devan zot, zot kontign pa krwar dan li.

2 Ko 12:12

Bann sign ki prouve ki mo enn Zapot, finn realize parmi zot, avek enn pasians parfe: bann mirak, bann mervey e bann aksion pwisan.

Let pou Romin 15:19

par pwisans sign ek mirak, par pwisans Lespri Sin. Mo finn repann Bonn Nouvel Zezi Kris plennman depi Zerizalem ziska provins Iliri.

Zistwar Bann Zapot 14:3

Alors zot finn res lontan laba, zot finn rann bann temwaniaz bien for pou Lesegner ki ti aprouv mesaz so lagras par bann sign ek bann mervey ki li permet zot fer.

Mk 13:22

Fos mesi ek fos profet pou leve; zot pou fer bann mirak pou fer dimounn tom dan lerer, e si posib, mem parmi bann seki finn swazir.

Mt 24:24

Parski bann fos mesi ek fos profet pou vini; zot pou fer bann gran-gran sign ek mirak pou tronp mem bann ki Bondie finn swazir.

Zistwar Bann Zapot 2:43

Boukou mirak ek sign ti pe akonpli par bann zapot, e tou dimounn ti inpresione.

Zn 2:18

Lerla bann Zwif kestionn li, “Ki sign to kapav montre nou, pou permet twa fer seki to pe fer?”

Lk 16:31

Abraam dir li, ‘Si zot pa ekout Moiz e bann profet, zot pa pou sanze, mem si enn mor ki finn resisite al get zot.’ ”

2 Tes 2:9

Move Dimounn pou vini avek lafors Satan, ki pou servi tou pouvwar, tou bann sign pou anbet dimounn.

Zistwar Bann Zapot 15:12

Lasanble antie res trankil, e finn kontign ekout Barnabas ek Pol rakont bann sign ek bann mirak ki Bondie finn fer atraver zot parmi bann payin.

Zistwar Bann Zapot 7:36

Li finn sorti lepep Bondie depi Lezip par bann mervey ek bann mirak ki li ti fer laba, ek osi dan lamer rouz ek dan dezer pandan karant-an.

Zistwar Bann Zapot 6:8

Etienn ki ti ranpli ar lagras ek pwisans, ti fer bann gran mervey ek mirak parmi lepep.

Zistwar Bann Zapot 5:12

Bann zapot ti fer enn kantite mirak ek mervey parmi lepep. Zot tou ti ansam anba galri Salomon kot ti ena bann kolonn.

Zistwar Bann Zapot 4:30

Fer dimounn trouv to pwisans par bann gerizon, bann mirak, ek bann sign, ki pou akonpli dan nom Zezi to serviter.”

Zistwar Bann Zapot 2:19

Mo pou fer bann mervey dan lesiel lao e bann sign mirak anba lor later, pou ena disan, dife, ek niaz lafime,

Zn 15:24

Si mo pa ti fer pou zot, travay ki personn pa kapav fer, zot ti pou ena bon exkiz pou zot bann pese; me aster-la zot finn trouve e zot kontigne ayir mwa ek mo Papa.

Lk 10:18

Zezi reponn zot, “Mo finn trouv Satan tonbe kouma zekler depi lesiel.

Mt 27:42

“Li finn sov lezot me li pa pe kapav sov limem! Si limem lerwa Izrael, ki li desann lor lakrwa aster-la mem, nou ava krwar dan li.

Mt 16:1

Bann Farizien ek Sadiseen avans ver Zezi pou piez li. Zot dimann li enn sign depi lesiel.

Zn 4:49

Ofisie-la dir li, “Segner, desann, vini avan ki mo zanfan mor.”