Zn 3:8 - Nouvo Testaman Kreol Morisien Harmonisation NTPS KM

⁸ Divan soufle kot li anvi, to tann son so mouvman me to pa kone kot li sorti ni kot li pe ale; li parey pou dimounn ki pran nesans dan Lespri.”

Nouvo Testaman dan Kreol Morisien

⁸ Divan soufle kot li anvi, to tann son so mouvman me to pa kone kot li sorti ni kot li pe ale; li parey pou dimoun ki pran nesans dan Lespri.”

Zn 3:8 Referans Kwoze

1 Ko 2:11

Kisann-la parmi bann dimounn kapav konn panse lezot dimounn? Lespri dimounn ki kone ki ena dan panse dimounn. Parey, zis Lespri Bondie ki kone ki ena dan panse Bondie.

Zistwar Bann Zapot 2:2

Enn sel kout enn son terib ti sorti depi lesiel parey kouma enn divan violan ki pe soufle, e sa ti ranpli lakaz kot zot ti reini.

1 Zn 2:29

Si zot kone ki Lekris zis, alor zot osi rekonet ki tou dimounn ki fer seki zis, li enn zanfan Bondie.

Zistwar Bann Zapot 4:31

Letan zot fini priye, landrwa kot zot ti reini ansam ti tranble. Zot ti ranpli ar Lespri Sin ek zot ti anons Parol Bondie avek lasirans.

1 Ko 12:11

Tousala, aktivite enn sel e mem Lespri Bondie, e li akord sakenn enn don diferan dapre so volonte.

Zn 1:13

Zot pa vinn zanfan Bondie par nesans natirel, par volonte bann imin, par dezir enn papa ek enn mama, me zot finn pran nesans kot Bondie.

Psom 107:29

Li ti kalme koler siklonn e bann vag ti koumans kalme.

Psom 107:25

Kouma li donn lord bann rafal koumans soufle e bann vag lor dilo koumans leve.

Psom 135:7

Li ris niaz siklonn depi finfon later; li lans zekler pou alim tanpet lapli; li larg rafal depi so prop rezerv.

Zn 3:7

Pa etone parski mo dir twa ki zot bizin pran enn nouvo nesans.

Zn 3:9

Nikodem dir li, “Explik mwa kouma sa bann kiksoz-la kapav arive?”