Zn 3:7 - Nouvo Testaman Kreol Morisien Harmonisation NTPS KM

⁷ Pa etone parski mo dir twa ki zot bizin pran enn nouvo nesans.

Nouvo Testaman dan Kreol Morisien

⁷ Pa etone parski mo dir twa ki zot bizin pran enn nouvo nesans.

Zn 3:7 Referans Kwoze

Zn 3:3

Zezi reponn li, “Vremem, laverite mo dir zot, krwar mwa mo dir twa, si enn dimounn pa pran nesans depi lao, li pa kapav konn Rwayom Bondie.”

Revelasion 21:27

Me okenn inpirte pa pou rant dan lavil-la, ni personn ki pratik abominasion ou mansonz, me zis dimounn ki so nom finn ekrir dan liv lavi Agno.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

Eb 12:14

Sey viv anpe avek tou dimounn. Viv enn lavi sin, parski san sa, personn pa pou kapav trouv Lesegner.

Let pou Kolosien 1:12

remersie Bondie Papa ki finn fer zot gagn zot par dan leritaz bann disip dan lalimier.

Zn 3:12

Si zot pa krwar ler mo koz ar zot lor bann zafer ki pase lor later, kouma zot pou krwar ler mo pou koz ar zot lor bann zafer ki pase dan lesiel?

Zn 5:28

Pa etone kan zot tann sa, parski ler pe vini kot tou dimounn ki dan tom pou tann so lavwa.

Zn 3:6

Dimounn ki pran nesans dan enn lekor, li enn lekor, seki pran nesans dan Lespri, li spiritiel.

Zn 3:8

Divan soufle kot li anvi, to tann son so mouvman me to pa kone kot li sorti ni kot li pe ale; li parey pou dimounn ki pran nesans dan Lespri.”