Zn 3:19 - Nouvo Testaman Kreol Morisien Harmonisation NTPS KM

¹⁹ Ala zizman-la: lalimier finn vinn dan lemond me bann dimounn finn pli kontan teneb ki lalimier parski zot manier pa bon.

Nouvo Testaman dan Kreol Morisien

¹⁹ Ala zizman la: lalimier finn vinn dan lemonn me bann dimoun finn pli kontan teneb ki lalimier parski zot manier pa bon.

Zn 3:19 Referans Kwoze

Zn 8:12

Zezi ti pe koz ar zot ankor, li dir “Momem lalimier dan lemond; seki swiv mwa pa pou mars dan teneb me li pou gagn lalimier ki donn lavi.”

2 Tes 2:12

Alor, tou dimounn ki pa krwar dan laverite e pran plezir dan seki mal, li pou kondane.

Let pou Romin 2:8

Me pou ena koler ek zizman pou seki pans zis limem, ki rezet laverite e swiv lemal.

Zn 12:43

Laverite, seki zot ti prefer plito laglwar lor later ki laglwar Bondie.

Let pou Romin 1:32

Zot konn zizman Bondie: seki viv koumsa merit lamor. Pourtan zot pa selman kontigne fer sa bann zafer-la, zot osi ankouraz lezot pou pratik sa.

Zn 5:44

Kouma zot kapav ena lafwa, zot ki kontan resevwar grander ant zotmem e pa pe rod grander ki sorti kot sel vre Bondie?

2 Pi 3:3

Premie dabor, zot bizin konpran ki dan bann dernie zour, sertin dimounn lespri traver pou mok zot,

Zn 1:4

Limem ti lavi e lavi ti lalimier tou dimounn.

Lk 12:47

Serviter ki ti konn volonte so met, me ki pa finn prepar li, ni mem fer dapre volonte met-la, pou gagn enn move bate.

1 Pi 2:8

Li finn osi dir: “Li enn ros ki fer dimounn kogne, e li enn ros ki fer dimounn tonbe.” Ena ki tonbe parski zot finn dezobeir laparol, e samem ki zot merite.

Zn 7:7

Lemond pa kapav deteste zot, me mwa, li deteste mwa parski mo pe kontigne fer li kone ki so bann travay pa bon.

Zn 7:17

Dimounn ki anvi fer volonte Bondie pou kone si mo lansegnman sorti kot Bondie oubien si mo pe koz dapre mo prop lide.

Lk 16:14

Letan bann Farizien ki ti bien kontan larzan tann sa, zot boufonn Zezi.

Proverb 2:13

kont bann ki abandonn sime lazistis, e ki mars dan sime marenwar.

Zn 1:5

Lalimier ti ekler teneb, e teneb pa finn aret li.

Zn 9:5

Tanki mo dan lemond, momem lalimier lemond.”

Zn 12:31

Aster-la mo pou ziz lemond e so gran sef pou deor.

Zn 12:46

Momem lalimier ki finn vinn dan lemond. Seki krwar dan mwa, pa pou res dan teneb.