Zn 3:13 - Nouvo Testaman Kreol Morisien Harmonisation NTPS KM

¹³ Personn pa finn mont dan lesiel, exsepte Garson Limanite ki finn desann depi lao.

Nouvo Testaman dan Kreol Morisien

¹³ Personn pa finn mont dan lesiel, exsepte Garson Limanite ki finn desann depi lao.

Zn 3:13 Referans Kwoze

Proverb 30:4

Eski kikenn finn deza mont dan lesiel, apre finn redesann? Eski kikenn finn deza may divan dan so pla lame? Eski kikenn finn deza anvlop lamer dan so linz? Kisann-la ki finn mizir later e donn li so limit? Kouma li apele? Kisann-la so zanfan? Si to kone, dir mwa!

Zn 6:38

Mo finn desann depi lesiel pa pou fer mo prop volonte me pou fer volonte Sa-Enn ki finn avoy mwa la.

Zistwar Bann Zapot 2:34

David pa ti mont dan lesiel, me pourtan li ti dir: ‘Lesegner Bondie finn dir mo Segner: asiz la lor mo drwat,

Zn 1:18

Zame personn finn trouv Bondie apar so sel Garson. Li ti enn sel ar so Papa. Limem finn fer nou konn Bondie.

1 Ko 15:47

Premie Adam ti sorti depi lapousier later. Deziem Adam sorti depi lesiel.

Zn 13:3

Kouma li kone ki so Papa finn met tou dan so lame, ki li sorti kot Bondie e ki li pe retourn kot Bondie,

Let pou Romin 10:6

Me drwatir ki dapre lafwa dir: “Pa dir dan to leker, ‘Kisann-la pou mont lao dan lesiel?’ Setadir, pou al demann Lekris desann kot nou.

Zn 6:62

Ki zot pou dir aster, si zot trouv Garson Limanite mont lao kot li finn sorti?

Zn 3:31

Seki vinn depi lao, limem pli gran ki tou; seki finn ne lor later, li res lor later e li koz langaz dimounn lor later; seki sorti dan lesiel, limem depas tou.

Zn 6:46

Personn pa finn trouv mo Papa apar Sa-Enn ki sorti ar Bondie la; Li, li finn trouv Papa-la.

Zn 6:42

Zot ti pe dir, “Pa limem Zezi, garson Zozef? Eski nou pa konn so papa ek so mama? Kot li gagn toupe pou dir mo desann depi lesiel?”

Zn 17:5

Papa, glorifie mwa aster; donn mwa laglwar ki mo ti ena kot twa depi koumansman, avan ki later ti kree.

Zn 8:42

Zezi dir zot, “Si Bondie ti vremem zot Papa, zot ti pou kontan mwa, parski mwa, mo sorti kot Bondie. Mo pa finn vinn par mo prop lotorite me par lotorite Sa-Enn ki finn avoy mwa la.

Zn 6:51

Momem dipin vivan ki finn desann depi lesiel; si kikenn manz sa dipin-la, li pou viv touletan; dipin ki mo done, se mo prop lekor pou ki lemond antie gagn lavi.”

Zn 6:33

Parski dipin ki Bondie done, samem dipin ki finn desann depi lesiel e ki donn lavi lemond antie.”

Zistwar Bann Zapot 20:28

Vey lor zotmem e lor tou zot troupo kot Lespri Sin finn met zot gardien. Pran swin Legliz ki Bondie finn gagne pou limem par disan so prop Garson.

Mt 28:20

Montre zot met an pratik tou seki mo finn komann zot. Pa bliye, mo avek zot toulezour ziska lafin dimond.”

Ef 1:23

ki so lekor; dan Legliz ki Lekris prezan antierman, e limem, li ranpli tou antierman.

Mt 8:20

Zezi dir li, “Bann renar ena zot lakav, zwazo lesiel ena zot nik, me Garson Limanite pena okenn landrwa pou poz so latet.”

Zn 3:12

Si zot pa krwar ler mo koz ar zot lor bann zafer ki pase lor later, kouma zot pou krwar ler mo pou koz ar zot lor bann zafer ki pase dan lesiel?