Zn 20:1 - Nouvo Testaman Kreol Morisien Harmonisation NTPS KM

¹ Premie zour lasemenn, boner gramatin kan ti ankor fer nwar, Marie Madlenn al dan tonbo e li konstate ki ros ki ti devan lantre tonbo, finn avanse.

Nouvo Testaman dan Kreol Morisien

¹ Premie zour lasemenn, boner gramatin kan ti ankor fer nwar, Marie Madlenn al dan tonbo e li konstate ki ros ki ti devan lantre tonbo, finn avanse.

Zn 20:1 Referans Kwoze

Mk 16:9

Letan li finn resisite boner gramatin, premie zour lasemenn, Zezi ti aparet dabor devan Marie-Madlenn; lor limem Zezi ti pous set demon.

Mt 27:60

Li depoz lekor Zezi dan so prop tonbo nef ki ti finn taye dan ros. Apre sa, li pous enn ros devan lantre tonbo-la e li ale.

Mk 15:46

Zozef aste enn dra, desann Zezi anba, anvlop li dan dra-la e met li dan enn tonbo ki ti finn taye dan ros; apre sa li ti roul enn gro ros devan so lantre.

Zn 20:26

Wit zour apre, bann disip ti ansam dan lakaz e Toma ti avek zot. Ti ena lakle dan laport e Zezi vini, li debout devan zot e li dir, “Shalom.”

Zn 19:25

Kot lakrwa Zezi, ti ena so mama, ser so mama, Marie, fam Klopa ek Marie Madlenn ki ti pe deboute.

Revelasion 1:10

Zour Lesegner, Lespri Sin finn sezi mwa e mo finn tann enn lavwa for deryer mwa ki rezone kouma enn tronpet;

Mt 27:64

Nou dimann ou permision pou ki met gard devan sa tonbo-la ziska trwaziem zour; parski kapav arive ki so bann disip vinn kokin so lekor pou fer lepep krwar, ‘Li finn resisite parmi bann mor.’ Sa mansonz-la pou pli pir ki premie-la.”

1 Ko 16:2

Premie zour lasemenn sakenn parmi zot bizin met dekote enn som larzan dapre so reveni. Fode pa atann mwa vini pou ramas sa kas-la.

Zistwar Bann Zapot 20:7

Premie zour lasemenn nou ti rasanble pou pran lakominion. Pol ti pe koz ar bann dimounn Troas. Me parski li ti pou ale landime, li finn kontign ansegne ziska minwi.

Mt 27:56

Parmi zot, ti ena Marie-Madlenn, Marie, mama Zak ek Zozef e mama bann garson Zebede.

Mt 27:66

Lerla zot sorti e zot al met zot gard devan tonbo; zot met sele lor ros ki ti blok lantre tonbo.

Mt 28:1

Landime saba, premie zour lasemenn, kan soley pe leve, Marie-Madlenn ek lot Marie al kot tonbo.

Mt 28:2

Enn sel kou ti ena enn gran tranbleman-de-ter parski enn anz Lesegner ki ti desann depi lesiel, ti pous sa gro ros-la e li ti asiz lor-la.

Zn 11:38

Zezi ti ankor boulverse, ler li al devan tonbo. Tonbo-la ti enn kavern dan ros e ti ena enn gro ros dan so lantre.

Zn 11:41

Lerla zot tir ros-la. Zezi lev so lizie lao e li dir, “Papa, mo rann twa gras parski to finn ekout mwa.