Zn 19:4 - Nouvo Testaman Kreol Morisien Harmonisation NTPS KM

⁴ Pilat sorti deor ankor enn fwa e li dir bann-la, “Gete, mo amenn li devan zot pou ki zot kone ki mo pa trouv nanye de mal ar li.”

Nouvo Testaman dan Kreol Morisien

⁴ Pilat sorti deor ankor enn fwa e li dir bannla, “Gete, mo amenn li devan zot pouki zot kone ki mo pa trouv nanye de mal ar li.”

Zn 19:4 Referans Kwoze

Zn 19:6

Kan bann gran pret ek bann gard trouv li, zot kriye bien-bien for, “Krisifie li, krisifie li.” Pilat dir, “Pran li, krisifie li zotmem parski mwa, mo pa trouv okenn rezon fer sa.”

Zn 18:38

Pilat demann Zezi, “Ki ete laverite?” Apre sa dialog-la, Pilat sorti deor ankor enn fwa; li al get bann Zwif e li dir zot, “Mo pa trouv okenn rezon pou kondann li.

Lk 23:4

Pilat dir ar bann sef pret ek lafoul, “Mo pa trouv okenn sarz kont sa boug-la.”

Lk 23:47

Letan santiryon Romin trouv seki ti finn arive, li rann laglwar Bondie, li dir, “Vremem sa dimounn-la ti inosan.”

1 Zn 3:5

Zot kone ki Lekris finn vini pou efas nou bann pese, e limem, li pena okenn pese dan li.

1 Pi 3:18

Ofet, Zezi Kris limem li finn soufer pou pese tou dimounn; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

1 Pi 2:22

“Li pa finn fer okenn pese, e okenn mansonz pa finn sorti dan so labous.”

1 Pi 1:19

me par disan presie Zezi Kris, parey kouma enn agno ki pena okenn defo.

2 Ko 5:21

Lekris pa ti ena pese, me Bondie finn met nou pese lor li, pou ki letan nou ini ansam ar li, nou rant dan enn lavi akseptab devan Bondie.

Lk 23:41

Nou, nou pe gagn seki nou merite parski nou pe pey pou seki nou finn fer, me li, li pa finn fer nanye de mal.”

Mt 27:54

Santiryon Romin ek bann solda ki ti pe vey Zezi trouv later tranble e zot temwin tou seki ti pe arive. Alor zot gagn per e zot dir, “Vremem li ti Garson Bondie.”

Mt 27:24

Letan Pilat trouve ki li nepli kapav fer nanye me ki bann-la pe pli revolte, li pran dilo e li lav so lame devan lafoul; li dir, “Mo pa responsab disan sa dimounn-la; get zot zafer.”

Mt 27:19

Letan Pilat ti pe siez dan tribinal, so fam avoy li enn mesaz, “Pa mel twa dan zizman sa inosan-la parski dan lanwit, mo finn bien azite dan mo rev akoz li.”

Mt 27:4

Li dir, “Mo finn fer pese parski mo finn livre disan enn inosan.” Zot reponn, “Ki to oule nou fer? Sa to problem.”

Eb 7:26

Samem sa kalite gran pret-la ki nou ti bizin. Kikenn ki sin, san okenn defo, ki pena pese, separe avek bann peser e ki plase pli ot dan lesiel.

Zn 18:33

Ankor enn fwa, Pilat rant dan so pale, li apel Zezi e li dir, “Eski to lerwa Zwif, twa?”