Zn 14:16 - Nouvo Testaman Kreol Morisien Harmonisation NTPS KM

¹⁶ Mo pou demann mo Papa, donn zot Sa-Enn ki pou defann zot la pou ki li res touletan avek zot.

Nouvo Testaman dan Kreol Morisien

¹⁶ Mo pou demann mo Papa, donn zot Sa-Enn ki pou defann zot la pouki li res toultan avek zot.

Zn 14:16 Referans Kwoze

Zn 14:26

Me Sa-Enn ki pou defann zot la, limem Lespri Sin ki mo Papa pou avoy lor mo nom. Li, li pou montre zot tou kiksoz e li pou fer zot rapel tou seki mo finn dir zot.

Zn 15:26

Kan Sa-Enn ki pou defann zot la pou vini, li pou donn so temwaniaz lor mwa. Li sorti kot mo Papa; mo pou avoy li e limem Lespri laverite.

Let pou Romin 15:13

Ki Bondie, lasours lesperans, ranpli zot ar lazwa ek lape par lafwa ki zot ena dan li, pou ki zot lesperans deborde par pwisans Lespri Sin.

Ga 5:22

Me bann fri ki Lespri li prodir, li lamour, lazwa, lape, pasians, bonte, konpreansion, fidelite,

Let pou Romin 14:17

An-efe, rwayom Bondie pa enn zafer manze ou bwar, me li konsern drwatir, lape ek lazwa ki Lespri Sin done.

Zistwar Bann Zapot 9:31

Legliz dan Zide, Galile ek Samari ti viv enn letan lape. Legliz ti vinn for e ti ena gran respe pou Lesegner e par led Lespri Sin Legliz ti pe ogmante.

1 Zn 2:1

Mo bann ti zanfan, mo pe ekrir zot tousala pou ki zot pa fer pese. Me si kikenn fer pese nou ena enn avoka kot Bondie Papa: Zezi Kris ki zis.

Zn 4:14

Me dimounn ki bwar dilo ki mwa mo pou donn li, nepli pou gagn swaf; dilo ki mwa mo pou donn li, pou vinn enn lasours lavi eternel dan li.”

Mt 28:20

Montre zot met an pratik tou seki mo finn komann zot. Pa bliye, mo avek zot toulezour ziska lafin dimond.”

Let pou Filipien 2:1

Si zot linion avek Kris ankouraz zot, so lamour rekonfort zot e so Lespri ini zot e rann zot konpatisan,

Let pou Romin 5:5

Sa lesperans-la li pa desevwar nou, parski Bondie finn repann so lamour dan nou leker par Lespri Sin ki li finn donn nou.

Zistwar Bann Zapot 13:52

Bann disip ti ranpli ar lazwa e ar Lespri Sin.

Zn 17:15

Mo pa pe dimann twa, tir zot dan lemond me protez zot kont lemal.

Zn 14:18

Mo pa pou les zot orfelin; mo pou revini.

Eb 7:25

Alor, samem li kapav sov dimounn ki vinn kot Bondie atraver li, parski li touzour vivan pou pled dan zot faver.

Let pou Romin 8:34

Kisann-la kapav kondann zot? Personn. Parski Lekris limem ki ti mor, me plis ki sa, li finn resisite e li adrwat Bondie pou intersed pou nou.

Zn 14:14

Seki zot demande lor mo nom, mo pou fer li.”

Zn 17:20

Mo pa priye zis pou zot me mo priye pou tou seki pou krwar dan mwa, par parol ki mo disip pou anonse.

Zn 16:22

Aster-la zot dan lapenn me kan mo pou retrouv zot ankor, zot leker pou dan lazwa e personn pa pou kapav retir sa lazwa-la ar zot.

2 Tes 2:16

Ki nou Segner Zezi Kris limem ek Bondie nou Papa ki kontan nou e finn donn enn rekonfor eternel ek enn bon lesperans par so lagras,

Zn 7:39

Ler li ti pe dir sa Zezi ti pe koz lor Lespri Sin pou bann krwayan ki ti pou resevwar li. Sa lepok-la, Lespri pa ti ankor desann lor zot parski Zezi pa ti ankor glorifie.

Zistwar Bann Zapot 1:4

Letan li ti pe manze ansam ar zot, li ti donn zot lord napa kit Zerizalem, me atann ki promes so Papa realize kouma li ti dir,

1 Zn 2:27

Me zot, sa lonksion ki Lekris finn vers lor zot la, li kontign res ar zot. Kouma zot ena so Lespri dan zot, zot pa bizin enn lot dimounn pou ansegn zot. Anfet, Lespri ansegn zot lor tou kiksoz e tou seki li ansegn zot li vre, li pa fos. Samem zot bizin obeir lansegnman ki sorti kot Lespri: res touzour ini avek Lekris.

2 Zn 1:2

parski laverite res dan nou e pou res avek nou pou touletan.