Zn 13:4 - Nouvo Testaman Kreol Morisien Harmonisation NTPS KM

⁴ Zezi leve, kit latab, retir so manto, pran enn serviet e atas li dan so lerin.

Nouvo Testaman dan Kreol Morisien

⁴ Zezi leve, kit latab, retir so manto, pran enn serviet e atas li dan so lerin.

Zn 13:4 Referans Kwoze

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pou ki par so povrete zot kapav vinn ris.

Lk 22:27

Parski kisann-la pli gran? Seki atab oubien seki pe servi? Pa plito seki atab la? Me mwa mo parmi zot kouma sa kikenn ki pe servi la.

Lk 12:37

Bienere bann serviter ki zot met pou trouv dibout kan li rantre. Laverite mo dir zot, li pou tir so palto, fer zot asiz atab, e li pou servi zot.

Lk 17:7

“Si enn parmi zot ena enn serviter ki pe travay dan karo oubien ki pe gardien troupo, eski kan li sorti dan karo li revini, zot pou dir li, ‘Degaze vinn atab’?

Lk 17:8

Plito zot pou dir li, ‘Prepar kiksoz pou mo manze, sanz to linz, vinn servi mwa ziska ki mo fini manze; apre sa, twa, to ava manze.’

Zn 13:12

Kan Zezi finn fini lav zot lipie, li remet so linz lor li e li repran so plas lor latab; apre li dir zot, “Eski zot konpran ki mo finn fer ar zot?

1 Zn 3:11

Samem mesaz ki zot finn tande depi koumansman: ki nou bizin kontan nou prosin.