Zn 13:21 - Nouvo Testaman Kreol Morisien Harmonisation NTPS KM

²¹ Letan Zezi finn fini koze, li ti bien boulverse e li dir devan zot tou, “Vremem, laverite mo dir zot, enn parmi zot pou trayir mwa.”

Nouvo Testaman dan Kreol Morisien

²¹ Letan Zezi inn fini koze, li ti bien boulverse e li dir devan zot tou, “Vremem, laverite mo dir zot, enn parmi zot pou trair mwa.”

Zn 13:21 Referans Kwoze

Mt 26:21

e pandan repa li dir zot, “Laverite mo dir zot, enn parmi zot pou trayir mwa.”

Zn 13:18

Mo pa pe dir sa pou zot tou; mo konn bann seki mo finn swazir me fode ki Lekritir realize, ‘Seki finn manz mo dipin, finn kras dan mo lasiet.’

Mk 14:18

Kan zot finn fini asize atab e inn koumans manze, Zezi dir zot, “Laverite, laverite mo dir zot, enn parmi zot ki pe manz ansam ar mwa, pou vann mwa.”

Zn 12:27

“Aster mo santi mwa boulverse; me ki mo pou dir, ‘Papa sap mwa ladan?’ Me akoz samem mo finn vini.”

Zn 11:33

Letan Zezi trouve kouma li pe plore e kouma bann Zwif ki ti avek li osi pe plore, so leker sere, li boulverse.

1 Zn 2:19

Sa bann zans-la finn sorti kot nou me zot pa ti vremem ar nou, lakoz samem zot inn kit nou; parski si zot ti ar nou, zot ti pou res avek nou, me zot finn fer li kler ki personn parmi zot pa ar nou.

Zistwar Bann Zapot 17:16

Letan Pol pe atann zot dan Atenn, so lespri ti bien trouble ler li trouv sa kantite stati idol ki ti ena dan lavil-la.

Zn 13:2

Letan zot ti pe pran zot repa, diab finn fini akapar lespri Zida, garson Simon Iskaryot, pou li vann Zezi.

Zn 11:38

Zezi ti ankor boulverse, ler li al devan tonbo. Tonbo-la ti enn kavern dan ros e ti ena enn gro ros dan so lantre.

Zn 11:35

Zezi plore.

Mk 3:5

Li get zot ar lakoler, anmemtan, li sagrin ki zot leker dir. Li dir boug-la, “Dres to lame.” Monion-la dres so lame; so lame revinn normal.

Mt 26:38

Li dir zot, “Mo ranpli ar enn gran tristes ki pe fini mwa. Res la avek mwa, pa dormi.”

Zn 13:22

Sakenn get so kamarad; zot res bet e zot pa kone pou kisann-la Zezi pe dir sa.