Zn 12:23 - Nouvo Testaman Kreol Morisien Harmonisation NTPS KM

²³ Zezi reponn zot, “Ler finn arive pou ki Garson Limanite glorifie.

Nouvo Testaman dan Kreol Morisien

²³ Zezi reponn zot, “Ler inn arive pouki Garson Limanite glorifie.

Zn 12:23 Referans Kwoze

Mk 14:41

Trwaziem fwa li revini, li dir zot, “Dormi aster-la, repoz zot, tou seki ti bizin arive, inn arive. Ler finn vini pou Garson Limanite livre dan lame bann peser.

Mt 25:31

“Kan Garson Limanite vini dan so laglwar avek tou bann anz, li pou asiz lor so tronn rwayal.

Zn 12:16

Letan sa ti pase, so bann disip pa ti pe konpran me apre, kan Zezi finn glorifie, zot ti rapel seki Lekritir finn dir e seki dimounn ti fer pou li.

Mt 26:45

Apre sa, li revinn ar so bann disip e li dir zot, “Zot ankor pe dormi e zot pe repoze. Ala ler finn arive kot Garson Limanite pou livre dan lame bann peser.

Mk 14:35

Li al inpe pli lwin, li tom anba e li priye pou ki si posib, li pa pas par sa moman-la.

Zn 7:39

Ler li ti pe dir sa Zezi ti pe koz lor Lespri Sin pou bann krwayan ki ti pou resevwar li. Sa lepok-la, Lespri pa ti ankor desann lor zot parski Zezi pa ti ankor glorifie.

Zn 12:27

“Aster mo santi mwa boulverse; me ki mo pou dir, ‘Papa sap mwa ladan?’ Me akoz samem mo finn vini.”

Zn 13:1

Avan fet Pak, kan Zezi trouve ki so ler finn vini pou kit sa later-la pou al rezwenn so Papa, kouma li ti kontan bann ki ti pe swiv li lor later, li kontign kontan zot ziska lafin.