Zn 12:16 - Nouvo Testaman Kreol Morisien Harmonisation NTPS KM

¹⁶ Letan sa ti pase, so bann disip pa ti pe konpran me apre, kan Zezi finn glorifie, zot ti rapel seki Lekritir finn dir e seki dimounn ti fer pou li.

Nouvo Testaman dan Kreol Morisien

¹⁶ Letan tou sa ti pase, so bann disip pa ti pe konpran me apre, kan Zezi finn glorifie, zot ti rapel seki Lekritir finn dir e seki dimoun ti fer pou li.

Zn 12:16 Referans Kwoze

Zn 2:22

Akoz samem, kan li finn leve parmi bann mor, so bann disip ti rapel so parol e zot finn krwar dan Lekritir ek dan parol ki Zezi finn dir.

Zn 14:26

Me Sa-Enn ki pou defann zot la, limem Lespri Sin ki mo Papa pou avoy lor mo nom. Li, li pou montre zot tou kiksoz e li pou fer zot rapel tou seki mo finn dir zot.

Zn 7:39

Ler li ti pe dir sa Zezi ti pe koz lor Lespri Sin pou bann krwayan ki ti pou resevwar li. Sa lepok-la, Lespri pa ti ankor desann lor zot parski Zezi pa ti ankor glorifie.

Zistwar Bann Zapot 2:36

Tou lepep Izrael bizin kone avek lasirans: sa Zezi ki zot finn krisifie la, limem ki Bondie finn fer Segner e Mesi!”

Zn 12:23

Zezi reponn zot, “Ler finn arive pou ki Garson Limanite glorifie.

Eb 12:2

Anou gard nou lizie fixe lor Zezi Kris, limem ki finn fer nou lafwa komanse e ki pou rann li parfe. Pou lazwa ki ti pe atann li, li finn soufer lor lakrwa san pran kont laont ki sa fer, e li finn asiz dan kote drwat tronn Bondie.

Eb 8:1

Ala pwin ki nou ti anvi dir: nou ena enn gran pret ki pe asiz lor kote drwat tronn samazeste Bondie dan lesiel,

Zistwar Bann Zapot 3:13

Bondie Abraam, Bondie Izaak, ek Bondie Zakob, Bondie nou bann anset finn glorifie so serviter Zezi. Limem zot ti livre ek rezete alor ki Pilat ti anvi liber li.

Zistwar Bann Zapot 2:33

Bondie ti plas li dan so kote drwat, e li finn resevwar promes Lespri Sin par so Papa; e Zezi finn repann seki zot pe trouve ek tande.

Zn 16:4

Me mo pe dir zot sa, pou ki kan ler vini, zot rapel seki mo finn dir zot. Mo pa finn dir zot tousala depi koumansman parski mo ti avek zot.

Lk 24:45

Lerla li ouver zot lintelizans pou ki zot konpran Lekritir.

Lk 24:25

Lerla li dir zot, “Bann san konpran, kouma zot leker pran letan pou krwar tou seki bann profet finn rakonte.

Lk 18:34

Me bann disip pa konpran seki li ti pe dir. So parol ti enn mister pou zot; zot pa ti pe reisi kapte seki li ti pe dir.

Lk 9:45

Me zot pa ti konpran sa parol-la; li ti res flou dan zot latet pou ki zot pa konpran. Zot ti gagn per pou poz li kestion lor sa size-la.

Zn 17:5

Papa, glorifie mwa aster; donn mwa laglwar ki mo ti ena kot twa depi koumansman, avan ki later ti kree.

Mk 16:19

Apre sa, Lesegner Zezi, letan li finn fini koz ar zot, li finn mont dan lesiel e li finn asiz kote drwat Bondie.

Mk 9:32

Zot pa ti konpran seki li ti pe rod dir; zot ti gagn per poz li kestion.