Zn 11:25 - Nouvo Testaman Kreol Morisien Harmonisation NTPS KM

²⁵ Zezi dir li, “Momem larezireksion, momem lavi; dimounn ki krwar dan mwa pou viv mem si li finn mor.

Nouvo Testaman dan Kreol Morisien

²⁵ Zezi dir li, “Momem larezireksion, momem lavi; dimoun ki krwar dan mwa pou viv mem si li finn mor.

Zn 11:25 Referans Kwoze

1 Tes 4:14

Nou krwar ki Zezi finn mor e resisite, alor atraver Zezi, Bondie pou revey bann ki finn mor dan Lesegner.

Zn 3:36

Dimounn ki krwar dan so Garson pou gagn lavi eternel, seki pa ekout so Garson, pa pou trouv lavi me lakoler Bondie pou res lor li.”

Zn 1:4

Limem ti lavi e lavi ti lalimier tou dimounn.

Zn 5:21

Parey kouma Papa-la lev dimounn mor e donn zot lavi, Garson-la osi donn lavi dimounn ki li anvi.

Zn 6:44

Personn pa kapav vinn ar mwa, si mo Papa ki finn avoy mwa pa amenn li ar mwa; mwa mo pou resisit li dan dernie zour.

Let pou Romin 8:2

An-efe, lalwa Lespri Sin ki donn lavi par Zezi Kris finn liber twa depi lalwa pese ek lamor.

Zn 6:35

Zezi reponn zot, “Momem dipin ki donn lavi; seki vinn ar mwa pa pou gagn fin e seki krwar dan mwa zame pou gagn swaf.

Revelasion 21:4

Li pou souy tou larm dan zot lizie. Pa pou ena ni lamor, ni dey, ni lamantasion, ni douler. Tousala parski vie lemond finn disparet.”

Let pou Filipien 3:10

Mo ena enn dezir pou konn Kris ek pwisans so rezireksion, partisip dan so soufrans, e vinn parey kouma li dan so lamor,

Revelasion 20:5

(Lezot mor pa ti regagn lavi avan lafin sa mil an-la.) Sa ti premie rezireksion.

Zistwar Bann Zapot 3:15

Zot finn touy Sa-Enn ki donn lavi, me Bondie finn resisit li. Nou tou nou temwin sa.

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Zn 5:26

Parey kouma Papa-la lasours lavi, par enn don so Papa, Garson-la osi lasours lavi.

Psom 36:9

Tomem lasours lavi e to lalimier ekler nou lavi.

Revelasion 22:17

Lespri ek nouvel marye dir, “Vini!” Dimounn ki tann sa, zot osi dir, “Vini!” Dimounn ki swaf bizin vini, dimounn ki anvi pran delo lavi, pran li gratis.

Zn 14:19

Dan enn tigit letan ankor, lemond nepli pou trouv mwa me zot, zot pou kontigne trouv mwa parski mo pou viv e zot osi zot pou viv.

Let pou Filipien 1:23

Mo dan enn dilem. Mo anvi mor pou al avek Kris, seki ti pou bon pou mwa.

Revelasion 22:1

Apre sa, li montre mwa enn larivier delo lavi kler kouma kristal, ki pe desann depi kot tronn Bondie ek tronn Agno.

2 Ko 4:14

parski nou kone ki Bondie ki finn resisit Lesegner Zezi pou resisit nou osi avek Zezi, e pou amenn nou, ansam ar zot, dan so prezans.

Let pou Romin 4:17

Lekritir deklare: “Mo finn fer twa papa enn kantite nasion.” Li nou papa devan Bondie dan ki li finn krwar, sa Bondie ki donn lavi bann dimounn ki finn mor, e ki kree kiksoz depi nanye ditou.

Lk 23:43

Zezi reponn li, “Laverite, laverite mo dir twa, zordi mem to pou avek mwa dan paradi.”

1 Ko 15:29

Anou pran lexanp bann ki finn fer zot batize dan plas dimounn ki finn mor; ki zot ti pe rode? Si bann mor pa resisite ditou, kifer dimounn batize dan zot plas?

1 Ko 15:18

Savedir bann ki finn mor dan Lekris zot osi zot perdi.

Zn 3:16

Bondie finn telman kontan lemond, ki li finn donn so Sel Garson pou ki tou dimounn ki krwar dan Li, pa mor me gagn lavi eternel.

Revelasion 1:18

momem lasours lavi, mo ti finn mor, aster-la gete, mo vivan pou leternite; e mo ena pouvwar lor lamor e mo posed lakle laport Ades.