Zn 1:13 - Nouvo Testaman Kreol Morisien Harmonisation NTPS KM

¹³ Zot pa vinn zanfan Bondie par nesans natirel, par volonte bann imin, par dezir enn papa ek enn mama, me zot finn pran nesans kot Bondie.

Nouvo Testaman dan Kreol Morisien

¹³ Zot pa vinn zanfan Bondie par nesans natirel, par volonte bann imin, par dezir enn papa ek enn mama, me zot finn pran nesans kot Bondie.

Zn 1:13 Referans Kwoze

1 Zn 3:9

Enn zanfan Bondie pa kapav kontign fer pese, parski pwisans Bondie ki met lavi dan li. Li pa kapav kontign fer pese parski li finn pran nesans kot Bondie.

Let Zak 1:18

Par so prop volonte li finn donn nou lavi par so Parol ki laverite, pou ki nou kapav vinn kouma bann premie fri kreasion.

1 Pi 1:23

Avredir, zot finn ena enn nouvo lavi, ki pa sorti dan bann paran mortel me dan enn semans ki pa lamor ek koripsion parski li sorti dan Parol Bondie ki vivan e eternel.

1 Pi 1:3

Ki Bondie, Papa nou Segner Zezi Kris, li beni; parski dan so gran mizerikord, li finn donn nou enn nouvo lavi ler li resisit Zezi depi bann mor, e li donn nou enn lesperans vivan;

1 Zn 5:4

parski tou zanfan Bondie ena laviktwar lor lemond. Nou lafwa donn nou mwayin pou gagn laviktwar lor lemond.

1 Zn 4:7

Mo bann frer ek ser bieneme, nou bizin kontan nou kamarad, parski lamour sorti kot Bondie. Dimounn ki kontan so kamarad, li sorti kot Bondie e li konn Bondie.

Let pou Tit 3:5

li finn sov nou. Pa akoz nou bann bon aksion me par so mizerikord. Li finn sov nou atraver delo ki donn enn nouvo nesans ek enn renouvelman par Lespri Sin.

Let pou Filipien 2:13

parski Bondie pe fer so travay dan zot, li inspir zot pou fer zot ena volonte pou realiz tou dapre so bon plan.

1 Ko 3:6

Mwa mo finn plant lagrin, Apolos finn aroze, me Bondie ki finn fer pouse.

1 Zn 5:1

Tou dimounn ki krwar ki Zezi limem Lekris, li enn zanfan Bondie; e tou dimounn ki kontan enn papa li osi kontan zanfan papa-la.

1 Zn 5:18

Nou kone ki dimounn ki pran nesans kot Bondie, pa fer pese, parski Sa-Enn ki finn pran nesans kot Bondie la protez li, e Lemal pa kapav tous li.

Zn 3:3

Zezi reponn li, “Vremem, laverite mo dir zot, krwar mwa mo dir twa, si enn dimounn pa pran nesans depi lao, li pa kapav konn Rwayom Bondie.”

Mt 3:9

Pa nek dir dan zotmem, ‘Abraam nou papa!’ Parski les mo dir zot ki avek sa bann ros-la, Bondie kapav fer bann desandan Abraam leve.

Psom 110:3

Kan ou desid pou dres kont ou lennmi ou pep pou dibout pou soutenir ou konba. Parey kouma laroze gramatin bann zenes pou vinn ver ou lor montagn sakre.

1 Pi 2:2

Parey kouma bann zanfan ki fek ne, rod dile ki pa koupe e ki spiritiel pou ki kan zot bwar li zot kapav grandi pou gagn vre lavi,