Zn 1:12 - Nouvo Testaman Kreol Morisien Harmonisation NTPS KM

¹² Li finn donn tou dimounn ki finn resevwar li e ki krwar dan so nom pouvwar pou vinn zanfan Bondie.

Nouvo Testaman dan Kreol Morisien

¹² Li finn donn tou dimoun ki finn resevwar li e ki krwar dan so nom pouvwar pou vinn zanfan Bondie.

Zn 1:12 Referans Kwoze

Ga 3:26

Zot tou bann zanfan Bondie par lafwa dan Zezi Kris.

Let pou Romin 8:14

Tou seki dirize par Lespri Bondie, zot zanfan Bondie.

1 Zn 3:1

Zot trouve ki kantite Bondie Papa kontan nou. So lamour li telman gran pou nou ki li apel nou zanfan Bondie; e vremem, samem ki nou ete. Ala kifer lemond pa konn nou, parski li pa finn konn Bondie.

Ga 4:6

E parski zotmem so bann zanfan, Bondie finn avoy Lespri so Garson dan nou leker, Lespri ki kriye “Abba, Papa!”

Zn 3:18

Dimounn ki krwar dan li, pa pou kondane me dimounn ki pa krwar, finn fini kondane parski li pa krwar dan Sel Garson Bondie.

Let pou Kolosien 2:6

Kontign viv zot lavi dapre seki finn transmet zot lor Lekris Zezi Lesegner,

Mt 10:40

“Dimounn ki akeyir zot, akeyir mwa, dimounn ki akeyir mwa, pe akeyir Sa-Enn ki finn avoy mwa la.

Zn 20:31

Tousala finn ekrir pou ki zot krwar ki Zezi-mem Lekris, Garson Bondie e pou ki bann seki krwar gagn lavi par so nom.

2 Pi 1:4

Koumsa mem ki li donn nou sa bann don presie ki li finn promet, pou ki atraver sa, zot pou evit tom dan piez move dezir e zot pou kapav partisip dan so natir divinn.

Mt 12:21

e tou dimounn pou fer li konfians.”

1 Zn 3:23

Ala so komannman, ki nou bizin krwar dan nom so garson Zezi Kris e kontan nou prosin, parey kouma li finn komann nou.

Zistwar Bann Zapot 3:16

Sa zom ki zot trouve e ki zot kone la finn retrouv so lafors par lafwa dan nom Zezi Kris. Par sa nom lamem e so lafwa dan Zezi ki li finn regagn so lasante, kouma zot tou zot inn trouve.

Zn 11:52

Pa zis pou zot tou sel, me pou ki tou bann zanfan Bondie ki finn disperse, vinn enn sel.

Zn 1:7

Li ti vini kouma temwin pou donn so temwaniaz lor lalimier e pou ki tou dimounn krwar.

Mt 18:5

Dimounn ki akeyir enn zanfan lor mo nom, li pe akeyir mwa osi.

Zn 2:23

Sa bann zour-la, Zezi ti dan Zerizalem pou fet Pak. Boukou dimounn ti krwar dan so nom, ler zot finn trouv bann sign ki li ti pe fer.

Zn 1:11

Li ti vinn kot li me so prop fami pa finn resevwar li.

Let pou Romin 8:16

Lespri Bondie zwenn li ansam ar nou lespri pou deklare ki nou zanfan Bondie.

Let pou Romin 8:19

Kreasion antie pe atann avek inpasians ki Bondie revel so bann zanfan.

1 Zn 3:2

Mo bann kamarad, nou deza bann zanfan Bondie, me li pa kler kouma nou pou ete apre. Me nou kone kan li pou vini nou pou resanble li, parski nou pou trouv li parey kouma li ete.

1 Zn 3:10

Ala kouma nou rekonet enn zanfan Bondie ek zanfan diab: seki pa pratik lazistis, li pa sorti kot Bondie, parey kouma seki pa kontan so frer e so ser.