Revelasion 9:1 - Nouvo Testaman Kreol Morisien Harmonisation NTPS KM

¹ Alor, sinkiem anz-la ti soufle so tronpet; mo ti trouv enn zetwal sorti dan lesiel tom lor later. Zot ti donn anz-la lakle pwi-san-fon.

Nouvo Testaman dan Kreol Morisien

¹ Alor, sinkiem anz la ti soufle so tronpet; mo ti trouv enn zetwal sorti dan lesiel tom lor later. Zot ti donn anz la lakle pwi-san-fon.

Revelasion 9:1 Referans Kwoze

Revelasion 8:10

Trwaziem anz-la soufle so tronpet e enn gro zetwal ti tom depi lesiel. Zetwal-la brile koumadir enn tors e li tom lor enn tier bann larivier ek lor lasours delo.

Revelasion 9:2

Zetwal-la ti ouver pwi-san-fon e enn lafime parey kouma lafime enn gran fourno ti sorti ladan. Soley ek latmosfer ti vinn nwar avek sa lafime-la.

Let pou Romin 10:7

Oubien, ‘Kisann-la pou desann dan profonder lemond anba kot bann mor?’ Setadir pou demann Lekris remont depi lamor.”

Revelasion 1:18

momem lasours lavi, mo ti finn mor, aster-la gete, mo vivan pou leternite; e mo ena pouvwar lor lamor e mo posed lakle laport Ades.

Revelasion 20:1

Lerla mo trouv enn anz vini ki sorti dan lesiel. Dan so lame ena lakle pwi-san-fon ek enn gro lasenn lour.

Revelasion 17:8

Bebet ki to ti trouve la, li ti existe me zordi li nepli la. Li pou remonte depi pwi-san-fon pou al ver so destriksion. Bann abitan later ki zot nom pa finn ekrir dan liv lavi depi kreasion lemond, pou etone kan zot pou trouv bebet-la, parski li ti existe, li nepli existe me li pou revini.

Lk 8:31

Zot sipliy Zezi pou ki li pa avoy zot dan pwi-san-fon.

Revelasion 8:12

Katriem anz-la ti soufle so tronpet e enn tier soley, lalinn ek bann zetwal ti afekte. Zot ti vinn som e lanwit kouma lizour ti perdi enn tier so klarte.

Revelasion 8:2

E mo trouv set anz pe dibout devan Bondie, e finn donn zot set tronpet.

Revelasion 20:10

Lerla, zot ti zet Satan, ki ti sedwir tou dimounn, dan landrwa kot dife ek souf ti pe brile; dan sa landrwa lamem zot ti zet bebet ek fos profet la. Lanwit-lizour zot pou tourmante pou touzour.

Revelasion 1:20

Ala sinifikasion mister sa set zetwal ek set sandelie an-or ki zot ti trouve dan mo lame drwat. Sa set zetwal-la reprezant bann anz, e sa set lalanp-la reprezant set Legliz.”

Lk 10:18

Zezi reponn zot, “Mo finn trouv Satan tonbe kouma zekler depi lesiel.

Revelasion 6:13

Zetwal dan lesiel tom lor later parey kouma fri fig ver, ki finn gagn bate dan tanpet.

Revelasion 11:7

Me kan zot fini zot temwaniaz, bebet ki sorti dan pwi-san-fon pou atak zot ek touy zot.