Revelasion 8:7 - Nouvo Testaman Kreol Morisien Harmonisation NTPS KM

⁷ Premie anz-la ti soufle so tronpet, lerla lagrel ek dife melanze avek disan ti tom lor later. Enn tier lemond ti brile, enn tier bann zarb ti brile e enn tier lerb ver ti brile.

Nouvo Testaman dan Kreol Morisien

⁷ Premie anz la ti soufle so tronpet, lerla lagrel ek dife melanze avek disan ti tom lor later. Enn tier lemonn ti brile, enn tier bann zarb ti brile e enn tier lerb ver ti brile.

Revelasion 8:7 Referans Kwoze

Revelasion 9:4

Finn dir zot pa detrir bann lerb ni okenn verdir ou zarb lor later. Zot ena drwa detrir zis bann dimounn ki pena sele Bondie lor zot fron.

Revelasion 9:18

Enn tier limanite ti mor avek sa trwa fleo-la: dife, lafime ek souf ki sorti dan lagel bann seval.

Revelasion 9:15

Alor, kat anz-la finn libere. Zot ti finn fini pare pou ler, zour, mwa ek lane pou touy enn tier limanite.

Psom 105:32

Li avoy lagrel olie avoy lapli ek zekler ti eklate partou;

Revelasion 16:21

Boul lagrel ki pez ziska san liv ti tom lor bann dimounn depi lesiel. Bann dimounn ti insilte Bondie akoz sa fleo lagrel-la ti vremem redoutab.

Revelasion 16:2

Premie anz ale e li vers so koup lor later. Lerla enn ilser malsin tom lor bann dimounn ki ti ena mark bebet ek ki ti ador so zimaz.

Revelasion 12:4

So lake ti balie enn tier bann zetwal dan lesiel e ti zet zot lor later. Lerla dragon-la dibout devan fam ki ti pe al akouse la, pou ki li kapav devor tibaba-la kouma li ne.

Revelasion 6:8

Mo gete e mo trouv enn seval ver pal. Dimounn ki ti pe mont li la apel Lamor, e Ades ti pe swiv li. Ti donn zot lotorite lor enn kar later, pou touy avek lepe, lafaminn, lepidemi e par bann zanimo sovaz.

1 Pi 1:24

Parski finn ekrir: “Tou dimounn, zot kouma lerb e zot laglwar parey kouma bann fler dan karo; lerb sek e so fler tonbe,

Let Zak 1:11

Soley lev avek enn saler diplon ki bril bann plant; so bann fler tonbe e so bote disparet. Li parey avek enn dimounn ris; li pou disparet pandan ki li okipe ar so aktivite.

Revelasion 7:1

Apre sa, mo trouv kat anz pe debout dan kat kwin later, zot pe bar bann kat divan pou ki okenn parmi zot pa soufle lor later, lor lamer oubien kont okenn zarb.