Revelasion 8:2 - Nouvo Testaman Kreol Morisien Harmonisation NTPS KM

² E mo trouv set anz pe dibout devan Bondie, e finn donn zot set tronpet.

Nouvo Testaman dan Kreol Morisien

² E mo trouv set anz pe dibout devan Bondie, e finn donn zot set tronpet.

Revelasion 8:2 Referans Kwoze

Revelasion 11:15

Lerla setiem anz soufle so tronpet, e ti ena bann lavwa bien for dan lesiel ki ti dir, “Aster-la rwayom lemond finn rant anba pouvwar Bondie nou Segner ek so Mesi. Li pou regne pou touzour.”

Lk 1:19

Anz-la reponn li, “Mwa, mo Gabriel; mo devan Bondie pou servi li; li finn avoy mwa koz ar twa, pou anons twa sa bonn nouvel-la.

Revelasion 8:6

Sa set anz avek zot tronpet-la, prepar zot pou soufle.

Mt 18:10

Fer sir ki zot pa mepriz enn sa bann ti zanfan-la; parski les mo dir zot, ki zot bann anz touletan dan prezans mo Papa dan lesiel.

Revelasion 16:1

Apre sa, mo tann enn lavwa for sorti dan Tanp e ti pe dir sa set anz-la, “Al vers set koup lakoler Bondie lor later.”

Revelasion 15:1

Apre sa, mo trouv enn lot gran sign etonan dan lesiel: set anz avek set fleo, zotmem dernie parmi bann dernie fleo. Ofet atraver zot, lakoler Bondie pou ariv so pwin final.

Mt 24:31

Avek son tronpet, li pou avoy so bann anz ki pou rasanble tou bann ki li finn swazir dan kat kwin later.”

Lk 21:36

Gard zot lizie ouver, priye pou ki zot gagn ase lafors pou sap dan bann maler ki pou arive, pou zot kapav dibout e prezant zot devan Garson Limanite.”

1 Ko 15:52

dan enn miliem segonn, pa gagn letan bat lizie, kan tronpet final sone. Letan tronpet sone bann mor pou resisite, e zame pou mor ankor; e nou, nou pou transforme.

1 Tes 4:16

Kan zot pou tann lavwa arkanz, tronpet pou sone, Lesegner limem pou desann; dimounn ki finn mor dan Kris pou resisite an-premie.

Revelasion 1:4

Ala mesaz ki Zan pe avoy set Legliz dan provins Lazi: Lagras ek lape Bondie ki existe, ki ti existe e ki pou vini; mesaz sorti osi kot sa set lespri devan tronn,

Revelasion 8:13

Apre sa mo gete e mo tann enn leg pe anvole bien ot dan lezer; li ti pe kriye avek enn lavwa for, “Maler, maler, maler pou zot, abitan later, letan sa trwa lezot anz-la pou soufle zot tronpet!”

Revelasion 9:1

Alor, sinkiem anz-la ti soufle so tronpet; mo ti trouv enn zetwal sorti dan lesiel tom lor later. Zot ti donn anz-la lakle pwi-san-fon.