Revelasion 7:11 - Nouvo Testaman Kreol Morisien Harmonisation NTPS KM

¹¹ E tou bann anz ki ti rasanble otour tronn, otour bann ansien ek sa kat kreatir vivan la, zot tom azenou devan tronn, zot figir kont later, e zot ador Bondie.

Nouvo Testaman dan Kreol Morisien

¹¹ E tou bann anz ki ti rasanble otour tronn, otour bann ansien ek sa kat kreatir vivan la, zot tom azenou devan tronn, zot figir kont later, e zot ador Bondie.

Revelasion 7:11 Referans Kwoze

Revelasion 4:10

Sa vennkat ansien-la prostern devan li, zot ador li e zot zet zot kouronn devan li, zot sante:

Revelasion 4:6

Devan tronn-la ti ena koumadir enn lamer transparan parey kouma kristal. Omilie ek otour tronn-la ti ena kat kreatir vivan avek boukou lizie devan ek deryer.

Revelasion 11:16

Lerla sa vennkat ansien ki ti lor zot tronn devan Bondie la, tom ater devan li, figir kont later e zot ador li.

Revelasion 4:4

Otour tronn-la ena vennkat tronn avek vennkat ansien ki asize lor la. Zot ti finn abiye an blan e zot ti ena enn kouronn an-or lor zot latet.

Eb 1:6

Me letan Bondie avoy so Garson premie-ne dan lemond, li ti dir, “Ki tou bann anz Bondie ador li.”

Zn 5:23

pou ki tou dimounn onor so Garson, parey kouma zot onor Papa-la. Dimounn ki pa onor Garson-la, pa onor so Papa ki finn avoy Li.

Mt 4:10

Zezi reponn, “Sorti la ale Satan, parski finn ekrir: ‘To pou ador Lesegner to Bondie, li tousel to bizin servi.’ ”

Revelasion 22:9

Me li dir mwa, “Fode pa ki to fer sa, mo enn serviter parey kouma twa, parey kouma to bann frer profet ek tou lezot ki gard parol sa liv-la. Bondie ki to bizin adore.”

Revelasion 15:4

Segner, kisann-la pou oze mank twa respe, e refiz glorifie to nom? Parski to tousel ki sin, tou bann nasion pou vinn kot twa pou ador twa, parski to finn montre ki to ziz avek drwatir.”

Psom 97:7

Bann ki ador idol gagn onte; bann ki fer vantar ar zot idol initil; tou bann divinite, prostern zot devan li.

Psom 45:11

Lerwa atire par ou bote; akoz li ou segner, rann li loner e obeir li.

Revelasion 4:8

Sakenn sa kat kreatir vivan la ti ena sis lezel ranpli ar lizie andan ek otour li. Lanwit lizour, zot zame aret sante: “Sin, sin, sin limem Lesegner Bondie Toupwisan ki ti existe, ankor pe existe ek ki pe vini.”