Revelasion 3:3 - Nouvo Testaman Kreol Morisien Harmonisation NTPS KM

³ Rapel bien lansegnman ki to finn resevwar e fason ki to finn tann li. Res touzour fidel ar Bondie e sanz to konportman. Si to pa revey twa, mo pou vinn may twa par sirpriz kouma enn voler dan lanwit san ki to kone ki ler.

Nouvo Testaman dan Kreol Morisien

³ Rapel bien lansegnman ki to finn resevwar e fason ki to finn tann li. Res touzour fidel ar Bondie e sanz to konportman. Si to pa revey twa, mo pou vinn may twa par sirpriz kouma enn voler dan lanwit san ki to kone ki ler.

Revelasion 3:3 Referans Kwoze

Revelasion 2:5

Rapel bien kot to finn sorti pou tom la, sanz to konportman e azir parey kouma to ti abitie fer dan koumansman. Si to pa sanz twa, mo pou vinn tir to sandelie dan so plas.

2 Pi 3:10

Zour Lesegner pou vini kouma enn voler dan lanwit; lerla lesiel pou disparet avek enn gran fraka e tou bann zetwal avek laflam pou dezintegre, e later ek tou seki lor li pou disparet.

1 Tes 5:2

Parski zotmem zot bien kone ki Lesegner, so zour pou arive parey kouma enn voler dan lanwit.

Revelasion 16:15

Rapel seki Kris ti dir, “Ala, mo pe vini parey enn voler! Ere sa dimounn ki res eveye, so linz pare pou li mete, pou ki li pa mars touni, e gagn onte.”

Mt 25:13

Zezi kontigne, li dir: “Pran kont, parski zot pa konn ni zour, ni ler.”

Eb 2:1

Akoz samem nou bizin res ferm avek seki nou finn tande, pou ki nou pa derape.

1 Tim 6:20

Timote, mo garson, vey bien lor seki Bondie finn konfie twa, evit bann koze dan vid e bann gran-gran deba, ki zot swadizan apel “konesans.”

Mk 13:36

pangar, enn kout li vini e li trouv zot pe dormi.

Mk 13:33

Get bien, vey bien; parski zot pa kone kan tousala pou arive.

Revelasion 3:19

Mo koriz e reprimann tou dimounn ki mo kontan, me twa, montre boukou zel e sanz to konportman.

2 Pi 3:1

Mo bann frer ek ser, sa fer deziem let ki mo ekrir zot. Dan toule-de, mo finn sey rapel zot bann souvenir pou stimil zot lespri avek bon panse.

Revelasion 3:11

Mo pe vini biento. Tini ferm avek seki to ena pou ki to pa perdi to kouronn.

Revelasion 2:25

me seki zot ena gard li bien ziska mo vini.

2 Pi 1:13

Me mo krwar ki li normal ki mo revey zot memwar letan ki mo ankor vivan.

2 Tim 1:13

Swiv touzour bann bon parol ki to finn tann mwa dir dan lafwa ek lamour lor Lekris Zezi.

Revelasion 3:2

Revey twa, ranforsi seki to ankor ena avan ki li mor konpletman. Parski mo finn remarke ki okenn to bann aksion pa korek dan lizie Bondie.

Revelasion 22:7

Ala, mo pe vini biento. Bienere dimounn ki gard parol profet ki trouv dan sa liv-la.”