Revelasion 19:4 - Nouvo Testaman Kreol Morisien Harmonisation NTPS KM

⁴ Sa vennkat ansien ek kat kreatir vivan la tom azenou pou ador Bondie ki pe asiz lor tronn. Zot dir; “Amen Alelouya!”

Nouvo Testaman dan Kreol Morisien

⁴ Sa vennkat ansien ek kat kreatir vivan tom azenou pou ador Bondie ki pe asiz lor tronn, zot dir; “Amen Alelouya!”

Revelasion 19:4 Referans Kwoze

Revelasion 5:14

Sa kat kreatir vivan la ti dir, “Amen!” Lerla bann ansien tom azenou pou adore.

Psom 106:48

Nou loue LESEGNER, Bondie Izrael; Nou loue li aster ek touletan! Nou tou, anou dir “Amen!” Alelouya, nou loue LESEGNER!

Revelasion 19:1

Apre sa mo tann koumadir enn lavwa for, bann lafoul dan lesiel ki pe dir, “Alelouya! Laglwar ek pwisans pou nou Bondie, ki sov nou.

Revelasion 15:7

Enn parmi sa kat kreatir vivan la donn sa set anz-la set koup an-or plin ar lakoler Bondie, ki viv pou touzour.

Psom 89:52

Anou loue LESEGNER pou touletan! Amen! Amen!

Psom 72:19

Anou sant so laglwar eternelman! Ki so laglwar ranpli liniver. Amen! Amen!

Psom 41:13

Laglwar pou Twa SEGNER, Bondie Izrael, aster, pli divan ek touletan. Amen! Amen!

1 Ko 14:16

Si to pe loue Bondie avek to lespri, kouma enn sinp oditer dan lasistans pou kapav dir “Amen” pou sa remersiman-la, si li pa kone ki to pe dir?

Mt 28:20

Montre zot met an pratik tou seki mo finn komann zot. Pa bliye, mo avek zot toulezour ziska lafin dimond.”

Mt 6:13

Pa les nou tom dan tantasion Me tir nou dan lemal.’

Psom 104:35

Ki bann ki dan lemal zot disparet depi later; bann ki nouri pese fini net dan lemond. Ar tou seki mo ete mo dir mersi LESEGNER! Alelouya, nou sant louanz LESEGNER!

Revelasion 19:3

Ankor enn fwa li repete, “Alelouya! Lafime so dife pe monte pou touzour.”

Revelasion 19:6

Lerla mo tann enn lavwa koumadir enn gran lafoul dimounn, ondire tapaz vag lamer ek loraz, ki pe kriye, pe dir, “Alelouya! parski nou Segner Bondie Toupwisan, li regne.