Revelasion 18:3 - Nouvo Testaman Kreol Morisien Harmonisation NTPS KM

³ Tou bann nasion finn bwar divin so imoralite. Tou bann lerwa later finn fer prostitision ar li e lor later, bann marsan finn vinn ris avek larises so move lavi.”

Nouvo Testaman dan Kreol Morisien

³ Tou bann nasion finn bwar divin so imoralite. Tou bann lerwa later finn fer prostitision ar li e bann marsan lor later finn vinn ris avek larises so move lavi.”

Revelasion 18:3 Referans Kwoze

Revelasion 17:2

Bann lerwa later finn fer prostitision ar li e tou bann abitan later finn soule avek divin so imoralite.”

Revelasion 14:8

Lerla enn deziem anz swiv premie-la e dir, “Li finn tonbe, li finn tonbe, gran Babilonn. Li ti fer tou dimounn bwar divin vis ek prostitision.”

Revelasion 18:9

Alor bann lerwa lor later ki finn fer prostitision e viv dan larises avek li, pou plore ek fer dey letan zot pou trouv lavil-la brile.

Revelasion 18:23

Lalimier lalanp pou nepli briye kot twa ankor, e pou nepli tann lavwa nouvo ek nouvel marye sorti kot twa. Parski to bann marsan ti pli pwisan lor later, e par to bann sorselri to ti anbet tou bann nasion.

Lk 7:25

Ki zot finn al gete alor? Enn dimounn ki ti abiy ar kostim letof? Gete, bann ki met zoli linz, viv dan lix e res dan sato lerwa.

1 Tim 5:11

Parkont, pa met bann zenn vev lor lalis.

Revelasion 18:7

Li finn gagn boukou laglwar e finn viv dan larises. Rann li otan soufrans ek dey! Li finn dir dan so leker ki limem larenn, li pa enn vev, e zame li pa pou konn soufrans dey.

Revelasion 18:19

Lerla zot zet lapousier lor zot latet, zot plore “Maler, ki kalite maler lor sa gran lavil-la, so larises finn anrisi tou bann ki ena bato lor lamer, enn-er-tan ase pou fer disparet tousala.