Revelasion 15:2 - Nouvo Testaman Kreol Morisien Harmonisation NTPS KM

² E mo ti trouv koumadir enn lamer kristal melanze avek dife. Tou bann ki ti finn gagn laviktwar lor bebet-la, so zimaz ek nimero so nom, ti dibout dan bor lamer kristal avek dan zot lame enn bann laarp ki Bondie ti donn zot.

Nouvo Testaman dan Kreol Morisien

² E mo ti trouv koumadir enn lamer kristal melanze avek dife. Tou bann ki ti finn gagn laviktwar lor bebet la, so zimaz ek nimero so nom, ti dibout lor borlamer kristal avek dan zot lame enn bann laarp ki Bondie ti donn zot.

Revelasion 15:2 Referans Kwoze

Revelasion 4:6

Devan tronn-la ti ena koumadir enn lamer transparan parey kouma kristal. Omilie ek otour tronn-la ti ena kat kreatir vivan avek boukou lizie devan ek deryer.

Revelasion 12:11

Me zot, zot finn gagn batay par disan Agno Bondie e par parol zot temwaniaz, parski zot pa ti telman atase ar zot lavi pou zot refiz lamor.

Revelasion 5:8

Ler li fini resevwar roulo-la, sa kat kreatir vivan la ek sa vennkat ansien-la prostern devan Agno-la; sakenn ti ena enn laarp ek enn bann koup dore ranpli ar parfin ki ti reprezant lapriyer bann krwayan.

Revelasion 21:18

Miray-la ti konstrir ar pier presie e lavil lamem ti fer avek lor pir, transparan parey kouma kristal.

1 Pi 1:7

Zot lafwa, li pli presie ki lor. Li pou pas dan leprev kouma lor ki fonn kan li pas dan dife pou prouv so vre valer. Lerla zot pou kapav dekouver lalouanz, laglwar ek loner kan Zezi Kris pou revel li.

Mt 3:11

Mwa, mo pe batiz zot dan dilo pou zot repanti. Me Sa-Enn ki pe vini apre mwa, li pli for ki mwa; mo pa ase bon, pou mo kourbe devan li pou larg so sandalet.

Revelasion 13:14

Li ti sedwir bann abitan later par pouvwar ki ti finn donn li pou fer mirak devan lot bebet-la. Li ti dimann bann abitan fer enn zimaz sa bebet ki ti finn blese ar lepe la, e ki ti ankor pe viv.

1 Pi 4:12

Mo bann kamarad, pa bizin ki zot etone par sa bann eprev-la koumadir kiksoz etranz pe arive.

Revelasion 13:1

Lerla mo trouv enn bebet sorti dan lamer, li ena dis korn ek set latet; lor sak korn ti ena enn kouronn e lor bann latet-la ena enn bann nom ki insilte Bondie.

Revelasion 13:17

E personn pa ti kapav aste ou vande si li pa ti ena sa mark-la, nom bebet-la ou nimero so nom.