Revelasion 14:3 - Nouvo Testaman Kreol Morisien Harmonisation NTPS KM

³ Zot ti pe sant enn kantik nouvo devan tronn e devan sa kat kreatir-la ek devan bann ansien. Personn pa ti kapav aprann sa kantik-la exsepte sa san karann-kat mil ki ti finn sove la.

Nouvo Testaman dan Kreol Morisien

³ Zot ti pe sant enn kantik nouvo devan tronn e devan sa kat kreatir e bann ansien. Personn pa ti kapav aprann sa kantik la exsepte sa san karann-kat mil ki ti finn sove la.

Revelasion 14:3 Referans Kwoze

Revelasion 5:9

Zot sant enn nouvo kantik: “To merit pran liv-la e kas so bann sele parski zot finn touy twa, e avek to disan, to finn raste pou Bondie, dimounn toutsort tribi, langaz, pei ek nasion.

Revelasion 14:1

Apre sa mo gete e mo trouv Agno pe dibout lor montagn Sion. Avek li ti ena san karann-kat mil dimounn, e lor zot fron ti finn ekrir so nom ek nom so Papa.

Revelasion 15:3

E zot ti sant kantik Moiz, serviter Bondie ek kantik Agno: “Segner Bondie Toupwisan, to travay li gran, li enn mervey! Lerwa bann nasion, to sime li drwat, li vre!

Revelasion 2:17

Si zot ena zorey, ekout seki Lespri ena pou dir bann Legliz! Seki gagn laviktwar, mo pou donn li lamann ki dan sekre. Mo pou donn li enn ros blan avek enn nouvo nom ekrir lor la. Personn pa konn sa nouvo nom-la, exsepte sa dimounn ki resevwar li la.”

Psom 149:1

Alelouya! Sant enn nouvo sante pou selebre LESEGNER; Sant so laglwar dan lasanble so pep fidel.

Psom 98:1

Anou sant enn nouvo sante pou LESEGNER ki finn fer bann explwa merveye! Zis ar so pouvwar ek so lafors sakre li finn sorti vinker.

Psom 40:3

Li ti montre mwa enn nouvo sante; montre mwa sant louanz Bondie. Boukou pou konpran, pou montre respe, e pou met zot konfians dan LESEGNER.

Psom 144:9

Mo pou sant enn nouvo sante pou twa, O Bondie; mo pou akonpagn mo sante ar sitar pou zwe pou twa,

Psom 96:1

Anou sant enn nouvo sante pou LESEGNER! Tou kreatir dan liniver, sant laglwar LESEGNER!

Psom 33:3

Sant sante ki zorey pa finn ankor tande; zwe bann instriman ar talan e kriy zot lazwa.

1 Ko 2:14

Dimounn ki pena Lespri pa aksepte bann kiksoz ki Lespri Bondie done, parski li paret enn foli pou li. Li inposib konpran sa bann don-la parski bizin Lespri Bondie pou konpran sa.

Psom 25:14

LESEGNER ena lamitie pou seki obeir li e li konfirm so lalians ar so bann fidel.

1 Ko 1:18

Parski mesaz lor lamor Lekris lor lakrwa li enn foli pou seki dan perdision, me pou nou ki Bondie pe sove, sa parol-la samem pwisans Bondie.

Revelasion 7:4

E mo tann ki kantite bann ki ti finn resevwar sele ti ete: ti ena san karann-kat mil parmi tou bann tribi pep Izrael.